Камералдық бақылау нәтижесінде кірісін толық көрсетпеген 854 блогер анықталды, - деп хабарлайды Malim.kz тілшісі.
Салық органдары сәйкессіздіктер туралы хабарлама жібергеннен кейін ғана олар табысын декларациялап, салық төлей бастаған. Бұл туралы ҚР Қаржы министрлігі мәлімдеді.
"2025 жылы камералдық бақылау нәтижесінде дара кәсіпкерлерді қоса алғанда 80 000 жеке тұлғаға анықталған ауытқушылықтарды жою туралы хабарлама жолданды. Әлеуметтік желілерге мониторинг жүргізіліп, 80 000 жеке тұлғаның ішінде 854 блогер хабарлама алғаны анықталды. Хабарламаларды алғаннан кейін блогерлер тарапынан белсенділік танытылды", — дейді министрлік мамандары агенттік тілшісінің ресми сауалына берген жауабында.
Десе де, 854 блогердің бәрі бірдей бұл шешіммен келіспейтін көрінеді. Ведомство мәліметінше, хабарламаны алған инфлюенсерлердің 338-і ғана өз бетінше декларация тапсырып, салық төлеген.
"Биыл 23 сәуірдегі жағдай бойынша, 338 блогер 10 млрд 585,4 млн теңге сомасына кірістерді өз бетінше декларациялады және 256,7 млн теңге сомасында жеке табыс салығын төледі", — дейді Қаржы министрлігі.
Фото: pixabay.com
