Әлемдегі ең бай адамдардың тізіміне енген қазақстандықтар кімдер

Америкалық Forbes журналы дәстүрлі түрде әлемдегі миллардерлердің тізімін жариялады. Бұл тізімге алты қазақстандық кірді, деп хабарлайды Malim.kz Stan.kz сайтына сілтеме жасап.

Malim Админ

  • 03.04.2024

Forbes журналының мәліметінше, биыл да осыдан бір жыл бұрынғы тізімдегі алты адамның есімі қайта жарияланды. Вячеслав Ким, Тимур және Динара Құлыбаевтар, Владимир Ким, Тимур Турлов және Болат Өтемұратов 2024 жылы да ең бай қазақстандықтар атанды. Алайда аталған алты қазақстандық бай адамдардың арасындағы “көшбасшы” өзгерген.

Биыл отандастарымыздың арасындағы ең бай адам атағын Вячаслав Ким алды. Долларлық миллиардерлердің әлемдік рейтингінде ол 787-ші орыннан 511-орынға көтерілді. Forbes Kaspi.kz акционері және директорлар кеңесінің төрағасы Вячеслав Кимнің байлығын 2024 жылы 5,8 миллиард долларға (бір жыл бұрын 3,6 миллиард доллар) бағалады. Еске салайық, Вячеслав Кимнің серіктесі Михаил Ломтадзе аталмыш тізімде 581-ші орынға тұрақтады. Грузия азаматы Ломтадзенің биылғы байлығы 5,3 миллиард долларға бағаланып отыр.

Ең бай адамдардың қазақстандықтар арасындағы тізімінде екінші және үшінші орынды “Алмэкс” холдинг тобының басшысы және тең иесі Тимур Құлыбаев пен оның жұбайы Динара Құлыбаева иеленеді.Рейтингте олар 612-орынға жайғасты. Былтыр ерлі-зайыпты 636-орында еді. Құлыбаевтардың əрқайсысының дəулеті 5 миллиард долларға бағаланады. Бұл екі жыл бұрынғы жағдаймен салыстырғаенда 1,4 миллиард долларға көп.

“KAZ Minerals” акционері Владимир Ким өткен жылы ең бай қазақстандықтардың тізімінде көш бастап тұрды. Алайда биыл 4-орынға түсіп қалды. Forbes мәліметінше, бір жыл ішінде оның материалдық жағдайы 4,6 миллиард доллардан 3,6 долларға дейін азайған. Ал әлемдік рейтинг бойынша ол 591-орыннан 896-шы орынға түсті.

“Freedom Holding” негізін қалаушы Тимур Турлов қазақстандық бай адамдардың арасында бесінші орында.  Оның байлығы бір жыл ішінде 3,1-ден 3,3 миллиард долларға дейін өсті. Алайда жаһандық рейтингте 949-орыннан 991-орынға түсті.

Миллиардер, “Forte Bank-тің” тең иесі Болат Өтемұратовқа келер болса, оның жағдайы тұрақты. Оның дәулетінде еш өзгеріс жоқ. Миллардердің байлығы 2,7 миллиард долларға бағаланады. Алайда бір жыл ішіндеБолат Өтемұратов Forbes-тің рейтингінде 1104-тен 1238-ші орынға жайғасты.

Алты қазақстандық миллиардердің жалпы байлығы 2024 жылы 25,4 миллиард долларға бағаланады.

Әлемдік рейтингтің көшбасшыларына келетін болсақ, екінші жыл қатарынан “Louis Vuitton Moët Hennessy” компаниялар тобының президенті және бас директоры Бернар Арно әлемдегі ең бай миллиардер атанды. Бір жыл ішінде ол 22 миллиард долларға байып, қазір дәулеті 233 миллиард долларға жетті.

Екінші орынға SpaceX негізін қалаушы, Tesla компаниясының бас директоры және X (Twitter) иесі Илон Маск тұрақтады. Оның байлығы бір жыл бұрынғы 180 миллиардтан 195 миллиард долларға өсті.

Тізімдегі үшінші орынды Джефф Безос иеленді. Forbes Amazon интернет-дүкенінің негізін қалаушының байлығын өткен жылғы рейтингтегі 114 миллиард доллармен салыстырғанда 194 миллиард долларға бағалады.

Әлемдік тізімге енген 20 миллиардердің байлығы 2,48 триллион долларға бағаланады.

Фото: интернеттен

Байланысты жаналықтар

Тоқаев шахматтан жастар арасында әлем чемпионы атанған Қазыбек Нөгербекті құттықтады

14.06.2024

Қазақстан британдық Wanderlust журналының «жасыл» туризм бағыттарының тізіміне кірді

06.06.2024

Мбаппе мен Гризманн Париждегі Олимпиадаға неге қатыспайды

03.06.2024

Санкт-Петербургте қаза тапқан жолаушылар арасында Көкшетау тумасы бар болып шықты

11.05.2024

Әлемнің әр түкпірінде түрлі экстремистік күштердің белсенділігі артып келе жатыр – Тоқаев

25.04.2024

Енді тәртіп бұзған қазақстандықтардың кешірім сұраған видеосы түсірілмейді

18.03.2024
MalimBlocks
Тоқаев шахматтан жастар арасында әлем чемпионы атанған Қазыбек Нөгербекті құттықтады

Қазыбек Нөгербек 13 маусымда Делиде (Үндістан) өткен шахматшылар арасындағы 20 жасқа дейінгі әлем чемпионатында алтын медаль иеленді.

Қазақстан британдық Wanderlust журналының «жасыл» туризм бағыттарының тізіміне кірді

Бұл жобалар аймақтағы тұрақты туризм қауымдасытғын құрып, туристер үшін қолайлы жағдай жасауға ықпал еткені де айтылған.

Мбаппе мен Гризманн Париждегі Олимпиадаға неге қатыспайды

Бұл туралы Франция футбол федерациясының ресми сайты жазды.

Санкт-Петербургте қаза тапқан жолаушылар арасында Көкшетау тумасы бар болып шықты

Қайғылы оқиғадан барлығы 7 адам өлген

Әлемнің әр түкпірінде түрлі экстремистік күштердің белсенділігі артып келе жатыр – Тоқаев

Оның айтуынша, біз жаһандық катаклизм белең алып, түрлі мемлекеттер арасында әскери-саяси, сауда-экономикалық текетірес, тіпті мәдени-гуманитарлық тартыс күшейіп бара жатқанына куә болып отырмыз.

Енді тәртіп бұзған қазақстандықтардың кешірім сұраған видеосы түсірілмейді

Оның орнына қоғамдық жұмыстарды қалай орындап жатқаны көрсетіледі.