Алматы облысында Балаларды қолдау орталығы нанды 354 теңгеден сатып алып отырған
Жеткізуші нанды 140 теңгеден сатып алып отырған.
![](/images/article-img/1600/22033-1716265719-m.jpg)
Алматы облысының Қиын өмір жағдайындағы балаларды қолдау орталығында әлеуметтік маңызы бар тауарларды (ӘМАТ) жоғары бағамен сатып алу фактілері анықталды, деп хабарлайды Malim.kz Қаржылық мониторинг агенттігінің баспасөз қызметіне сілтеме жасап.
Агпенттік мәліметтеріне қарағанда, қазіргі таңда орталықта 120-дан астам кәмелетке толмаған бала тәрбиеленуде.
Жеткізуші нанды 140 теңгеден сатып алып, оны балалар үйіне 354 теңгеден (153% үстемақымен) жеткізген.
Сондай-ақ ол қарақұмық жармасын – 145% (281 тг/кг алып, 687 тг/кг сатқан), күнбағыс майын - 63% (600 тг/л алып, 977 тг/л сатқан), қантты – 38% (350 тг/кг алып, 480 тг/кг сатқан) үстемеақымен жеткізген.
Қолданыстағы заңнамаға сәйкес ӘМАТ-қа шекті сауда үстемесінің мөлшері 15%-дан аспауы тиіс.
Қабылданған шаралардың нәтижесінде жеткізуші әкімшілік жауапкершілікке тартылды, ал Орталықпен жасалған ӘМАТ-ты жеткізу шарты 1,3 млн теңгеге төмендету жолымен қайта қаралды.
Сондай-ақ Агенттік қабылдаған шаралар нәтижесінде өңірдің бірқатар балабақшасы жеткізушілермен сатып алу бағасын 3,9 млн теңгеге төмендете отырып, қосымша келісімдер жасасты.
Фото: интернеттен
Байланысты жаналықтар
MalimBlocks
![](/images/article-img/600/24535-1725530274.jpg)