Алматы облысында жақын күндері қар көшкіні болуы мүмкін
Осыған байланысты құтқарушылар облыс тұрғындары мен туристерге ескерту жаряилады
– Алматы облысының тауларында 5-8 желтоқсан аралығында көшкін қаупі сақталады. ТЖД азаматтардан, туристерден және демалушылардан қар көшкіні болуы мүмкін қарлы беткейлерге шықпауды, сондай-ақ таулы жерлерде барлық қауіпсіздік талаптарын сақтауды сұрайды, – делінген ТЖД хабарламасында.
Төтенше жағдайлар департаментінің дерегінше, облыс аумағында көшкін қаупі бар 55 учаске тіркелген. Олар Еңбекшіқазақ, Талғар және Қарасай аудандарында – Іле-Алатау тауларының оңтүстік беткейінде.
Фото: gov.kz
