Алматыда болған жантүршігерлік жол апатының мән-жайы айтылды
Жол апатынан 16 жолаушы медициналық көмекке жүгініп, тағы бірі көз жұмды
Алматы қаласы полициясы жантүршігерлік жол апатына қатысты ресми хабарлама таратты. Полиция мәлімдеуінше, адам өліміне әкелген жол-көлік оқиғасына қатысты қылмыстық іс қозғалып, тиісті сараптамалар тағайындалған, деп хабарлайды Malim.kz.
Ресми хабарламаға қарағанда, жол-көлік оқиғасы сағат 14:20-да Алмалы ауданында болған. Алдын ала мәлімет бойынша, Мақатаев көшесімен оңтүстік бағытта өтіп бара жатқан KIA көлігінің жүргізушісі «City Bus» ЖШС жеке тасымалдаушы қызмет көрсететін 18 бағыттағы автобуспен соқтығысып, ол артынан дүңгіршекке барып соққан. Оқиға салдарынан автобустағы 16 жолаушы медициналық көмекке жүгініп, тағы бір жолаушы оқиға орнында көз жұмған.
Фото: ZTB телеграм-арнасы
