«Арақ ішкен адамның денсаулығы мықты болмайды»: Мас болып ұсталған экс-имамның ВИДЕОСЫ тарады
Қостанай облысының бас имамы Бахытбек Тәжімбет 23 шілдеде түн ортасында Бурабайдағы түнгі клубтың жанында ұсталды. Ол көлігін мас күйінде жүргізген.
Әлеуметтік желіде Бурабайда түнгі клубтың жанынан ішімдік ішіп, көлік жүргізгені үшін қамауға алынған Қостанай облысының бұрынғы бас имамы Бахытбек Тәжімбеттің арақ ішудің зияны туралы айтқан уағызы тарап жатыр, деп хабарлайды Malim.kz.
Оның уағыз айтқан видеосын Kayrat Rekaz есімді Facebook қолданушысы парақшасында жариялаған.
Бас имамның, жоқ, кешіріңіздер, қателестім, мас имамның уағызын тыңдап көріңіздер. Иә, әлгі арақ ішіп, көлік жүргізіп, ұсталған имам, - деп жазды ол өз парақшасында.
Сонымен, Бахытбек Тәжімбет не дейді?
Арақ ішпе дейді. Арақ ішкен адамның денсаулығы мықты болмайды ғой. Міне, Алла Тағаланың тыйымдарын қарасаңыз, құрметті, қадірлі жамағат, солардың барлығының астарында адамның денсаулығына үлкен зиян келтіретін нәрселердің шығатынын біз білеміз, - дейді бұрынғы бас имам.
Еске салсақ, Қостанай облысының бас имамы Бахытбек Тәжімбет 23 шілдеде түн ортасында Бурабайдағы түнгі клубтың жанында ұсталды. Ол көлігін мас күйінде жүргізген.
Кейін ҚМДБ оны қызметінен босатып, оның теріс қылығы үшін мұсылман жамағатынан кешірім сұрады.
Фото: интернеттен
MalimBlocks
