«Бұрынғы уақыт белдеуін қайтару»: Шешім 40 күн ішінде қабылданады
Петиция қажетті 50 мың дауысты жинады.
Премьер-министрдің орынбасары Серік Жұманғарин бұрынғы уақыт белдеуін қайтаруға қатысты шешім 40 күн ішінде қабылданатынын айтты, деп хабарлайды Malim.kz.
Вице-премьердің айтуынша, "Уақытты кері қайтару" петициясы 50 мыңнан астам қол жинағандықтан, енді үкімет оны қарауға міндетті.
Оқи отырыңыз: «Жеу керек деп айтқан жоқпын»: Вице-премьер «шегіртке – халал ас» деген мәлімдемесін түсіндірді
Біз петиция авторын, белсенді сарапшыларды, ғалымдарды және мемлекеттік органдарды тарта отырып, бұл петицияны қараймыз. Бізде 40 күн уақыт бар. Таяу уақытта жауап береміз, - деді Серік Жұманғарин.
Қазақстанның кейбір тұрғындары (негізінен солтүстік өңірлерде) сағат белдеуін ауыстырғаннан кейін өзін жайсыз сезініп жүргенін айтып жатыр. Олардың сөзінше, таңғы сағат 4-те жарық түсіп, кешке тез қараңғы болады.
Олар жаңа +5 UTC орнына, бұрынғы +6 UTC уақыт белдеуіне оралу туралы петицияны іске қосты. Петиция қажетті 50 мың дауысты жинады.
Естеріңізге сала кетейік, 2024 жылдың 1 наурызына қараған түні өңірлер бірыңғай уақыт белдеуіне көшкен болатын. Бұған дейін елде екі уақыт белдеуі болды - UTC+5 және UTC+6.
Бұрынғы уақытты қайтару туралы петиция 50 мың қол жинады.
Фото: depositphotos.com
