«Қазгидромет» Қазақстан аумағында дүйсенбі, 10 маусымға арналған ауа райының жалпы болжамын жариялады, деп хабарлайды Malim.kz.
Синоптиктердің болжамы бойынша, Республикада тұрақсыз ауа райы сақталады, найзағай ойнап, бұршақ аралас жаңбыр жауып, бұршақ түседі, дауыл тұрады.
Атмосфералық фронттардың өтуіне байланысты еліміздің басым бөлігінде ауа райы тұрақсыз болады, күн күркірейді, республиканың солтүстігінде қатты жаңбыр мен бұршақ жауады. Республика бойынша желдің күшеюі күтіледі.
Күндіз Алматы, Батыс Қазақстан, Атырау, Маңғыстау, Қызылорда, Жетісу, Ұлытау, Жамбыл облыстарында, Ақтөбе мен Абай облыстарының оңтүстігінде, Түркістан облысының батысында, шөлді аймақтарында қатты ыстық күтіледі.
Маңғыстау, Түркістан, Жамбыл, Алматы, Жетісу, Ұлытау облыстарында, Қызылорда облысының солтүстігінде, батысында, Ақтөбе облысының батысында, Қостанай, Батыс Қазақстан, Абай облыстарының оңтүстігінде, Қарағанды облысының орталығында жоғары өрт қаупі сақталады.
Атырау, Түркістан облыстарында, БҚО батысында, Қызылорда облысының оңтүстігінде, солтүстік-шығысында, орталығында, Маңғыстаудың орталығында, солтүстігі мен шығысында, Ақтөбе облысының оңтүстігінде, Жамбыл облысының батысында, шығысында төтенше өрт қаупі күтіледі.
Фото: egoradmin.ru
