«Киелі мекен» акциясына алакөлдіктер де атсалысып жатыр

Жетісу облысы Үшарал қаласындағы Д. Қонаев атындағы орталық саябақта «Киелі мекен» науқанына орай тазалық іс-шарасы өтті, деп хабарлайды Malim.kz.

Орталық саябақтан басталған шараға аудан тұрғындары бір кісідей атсалысты.

Нәтижесінде ұзындығы 1,5 шақырым болатын аумақ тазаланды. Тазалық акциясы аясында түске дейін 3 тоннаға жуық күл-қоқыс шығарылды.

Іс-шараға жиналған жұрт ауданды қоқыстан тазартып қана қоймай, екі қолға бір күрек ұстап, ағаш егуге кірісті. «Бір тал кессең – он тал ек» деген халық даналығы бүгінде жерде қалмауда. Айналаны жасыл желекке орап, жолдың бойына отырғызылған ағаштар әсем бейнесімен көз тартарлық.

«Киелі мекен» акциясына ауданның Үйгентас, Қабанбай ауылының тұрғындары да белсенді қатысуда.

Фото: Үшарал қаласы әкімдігі