Көкшетау епархиясын украиналық викарий басқарады
Бұл туралы Мәскеуде өткен Мәскеу және бүкіл Ресей Патриархы Кирилдің төрағалығымен Ресей Православ Шіркеуінің Қасиетті Синодының кезекті отырысында мәлім болды
Көкшетау епархиясын украиналық викарий басқарады, - деп хабарлайды Malim.kz тілшісі azh.kz-ке сілтеме жасап.
20 наурызда Мәскеуде Мәскеу және бүкіл Ресей Патриархы Кирилдің төрағалығымен Ресей Православ Шіркеуінің Қасиетті Синодының кезекті отырысы өтті.
"Көкшетау және Ақмола архиепископы болып Донецк епархиясының викарийі, Новоазовск архиепископы Варсонофий тағайындалсын", – делінген хабарламада.
Еске салйық, 2025 жылғы қаңтардың аяғында Көкшетау және Ақмола архиепископы Серапион Ресейдің Нижний Новгород облысында жол апатынан қаза тапқан еді. Көкшетаудан Мәскеуге Рождестволық оқуларға бара жатқан дін қызметкері ауыр жарақат алып, оқиға орнында көз жұмған. Онымен бірге болған Көкшетау қаласындағы Тірілу кафедралдық соборының діни қызметкері, иеромонах Евлогий (Щербак) ми шайқалу диагнозымен ауруханаға жеткізілген.
Фото: azh.kz
