Марқұм Шерзаттың отбасының үй мәселесі қалай шешілетіні айтылды
Жергілікті меценаттар үй соғып беруге дайын отыр
Талғарда кісі қолынан қаза тапқан 16 жасар Шерзат Болаттың отбасының үй мәселесі, кейіннен көмек мәселесіне қатысты басынан бастап жергілікті әкімдік ұсынысын берген. Бірақ, өздері ауылдағы әке-шешелерінің үйінде тұратынын айтқан. Дегенмен, жергілікті меценаттар әлі де үй соғып беруге дайын. Бұл туралы Алматы облысының әкімі Марат Сұлтанғазиев Орталық коммуникациялар қызметінде өткен брифингте айтты, деп хабарлайды Malim.kz.
Ауыл, аудан әкімдіктері, өзіміздің құрылымдар түгел олармен байланыста. Тиісті көмегін ҮЕҰ арқылы, меценаттар арқылы көрсеттік. Меценаттар қазір де үй салуға дайын. Олардан өз келісімін күтіп отырмыз. Әзірше оларға қыс мезгілінде үйдің тиісті құжаттарын дайындап алайық деп ұсындық, деді облыс басшысы.
Оның сөзінше, жалпы жағдай тұрақты, құқық қорғау органдары толық ақпаратты көрерменге жеткізіп тұр. Осы жағдайдан кейін тілшілердің отставкаға кету мәселесіне де жауап берді.
Біздің жұмысымыз тек әлеуметтік желіде тараған жаңалықпен бағаланбайды. Көптеген сала бар. Халық, басшыларымыз сол тұрғыдан бағасын берер, деді Марат Сұлтанғазиев.
Айта кетейік, бұған дейін Шерзаттың әкесі Қаржаубай Нұрымовтың қоғамдық тәртіпті бұзып, бұзақылық жасағаны үшін әкімшілік соттың шешімімен 15 тәулікке қамалғанын жаздық.
Одан кейін Алматы облысының прокуратурасы Шерзат Болатты өлтіру фактісі бойынша сотқа дейінгі тергеудің аяқталуға жақын екенін хабарлады. Қажетті тергеу әрекеттері жүргізіліп, барлық күдікті ұсталғанын мәлімдеді.
Фото: qaa.kz
Байланысты жаналықтар
MalimBlocks
