«Миллиондап ақша аударатын». Әйелін ұрған елшіге қатысты жаңа деректер мәлім болды
Әйелі жеке қажеттіліктеріне ақша таба алмағанын айтады.
Қазақстанның Біріккен Араб Әмірліктерінде жұмыс істеген дипломат Сәкен Мамаш туыстарына миллиондап ақша аударады. Дипломат күйеуінен жәбір көрген Карина Мамаш өз қажеттіліктеріне ақша таба алмаған сәттерін айтып берді, деп хабарлайды Malim.kz.
Дипломаттың Қазақстандағы туған-туысы Сәкен Мамаштың есебінен күн көретін. Осылай деген Карина Мамаш тырнағын жөндету үшін ақша таба алмағанын жасырмады.
Бүкіл туысы оның мойнында отырды. Ол отбасының, балаларының аузынан жырып, туыстарына миллиондап ақша аударатын. Мен оған туыстарыға ақша берме деп тыйым сала алмайтынмын. Мен тырнағымды жөндету үшін ақша таба алмайтынмын, - деді Карина Мамаш сұхбатында.
Естеріңізге сала кетейік, Біріккен Араб Әмірліктеріндегі елшінің кеңесшісі болған Сәкен Мамашқа қатысты қылмыстық іс қозғалған. Оның әйелі Карина Мамаштың зорлық-зомбылық туралы мәлімдемесінен кейін бұл іс резонанс тудырып, Сыртқы істер министрлігі дипломатты елге қайтарған.
Фото: @SakenMamash
MalimBlocks
