Министрлік наразылыққа шыққан студенттерді басқа университетке ауыстырды

Білім министрлігінен құрылған арнайы жұмыс тобы лицензиясынан айырылған Шет тілдері және іскерлік карьера университетінің студенттерін басқа жоғары оқу орындарына ауыстыруды өз қолына алды.

Ақниет Аманжолқызы

  • 08.12.2021

26 қараша күні біз аталған университет шәкірттері мен олардың ата-аналары наразылық танытқаны туралы жазған едік. Мәселенің қазіргі қарқыны туралы министрлік хабарлама таратты. Онда мәселені шешу үшін арнайы жұмыс тобы құрылып, оолардың Алматы қаласында студенттермен, ата-аналармен және университет қызметкерлерімен кездесулер өткізгені жазылған.

«Өткен жылы біз Шет тілдер және іскерлік карьера университетінде тексеру жүргізіліп, бұзушылықтар анықталғаны туралы хабарлаған болатынбыз. Осы жазда университет жабылып, білім беру лицензиясынан айырылатыны туралы ақпарат жарияланды. Дегенмен студенттер басқа жоғары оқу орындарына ауыспай, барлық сот апелляцияларының нәтижелерін күтуге шешім қабылдады. Енді университет жұмысын іс жүзінде тоқтатқан соң студенттер басқа жоғары оқу орындарына ауысуға келісім берді. Біз Шет тілдер және іскерлік карьера университетінің қалған студенттерін ауыстыру бойынша жұмыс тобын құрдық. Жұмыс тобы студенттерді басқа оқу орындарына ауыстыруы керек. Барлық студенттер транскрипттер алып, Абылай хан атындағы ҚазХҚ және ӘТУ, «Нұр-Мүбарак» университеті, Алматы гуманитарлық-экономикалық университеті сияқты жоғары оқу орындарына жіберілді. Сондай-ақ, жоғары оқу орындарының басшылығымен жетім балаларға жеңілдіктер беру туралы келісім бар», – деп атап өтті ҚР БҒМ Білім және ғылым саласында сапаны қамтамасыз ету комитетінің басқарма басшысы Эльвира Сапарбекова.

Сонымен қатар хабарламада лицензиясынан айырылған басқа университет студенттеріне де министрлік жоғарғы оқу орнын ауыстыруға мүмкіндік бергені атап айтылған.

Және университеттерді жабу кезінде министрлік сапалы білім беру талаптарының сәйкестігін басшылыққа алатынын атап өткен. Ал ШТІКУ-дің жабылу себебін төмендегідей түсіндірген: «Аталмыш университетте тексеру парағының 46 тармағының 39 тармағы бойынша бұзушылықтар анықталған. Білім беру сапасын қамтамасыз етудің ішкі жүйесі қалыптаспаған. Білім беру бағдарламаларын, жеке оқу жоспарларын талдау белгілі бір пәндер бойынша кредиттерді игеруде үлкен айырмашылықтарды көрсетті. Тиісінше, білім алушылар пәндерді толық көлемде меңгермеген. Оқыту нәтижелері бойынша студенттердің 90%-ы шекті деңгейден өте алмады. Сонымен қатар, басқа да бұзушылықтар анықталды. Бұл ретте университетке бұзушылықтарды жою үшін уақыт берілді, алайда жоғары оқу орны білім беру қызметтерінің сапасын арттыру үшін жұмыс жүргізбеді».

Университет студенттерімен байланысып олардың басқа оқу орнына ауысқаны туралы ақпаратты анықтап білдік. Біз мәселесін көтерген студенттер Қазақ мемлекеттік қыздар педагогика университетіне және Алматы техникалық университетіне ауыстырылған.

Байланысты жаналықтар

Студенттер онлайн оқуға қарсы

16.09.2020

Студенттер: Бәке, Сәкесіз жұмысқа тұру мүмкін еместей көрінеді

02.08.2021

Қазақ студенттері не жеп жүр?

05.02.2020

Алматыда «шетте қалған» студенттер наразылыққа шықты

26.11.2021

«Оффлайн оқитынымызды білген соң, пәтерақыны көтеріп жіберді» - студенттердің шағымы

27.08.2021

Әшімбаев арызын Аймағамбетовтің орнына Тоғжанов тыңдады

26.05.2022
MalimBlocks
Студенттер онлайн оқуға қарсы

Студенттер: Бәке, Сәкесіз жұмысқа тұру мүмкін еместей көрінеді

Ресми деректерге сәйкес, еліміздегі жастардың 96 %-ы жұмыспен қамтылған. Бірақ бұл көрсеткіш олардың бәрі бірдей жақсы жерде жұмыс істеп, жоғары жалақы алады деген сөз емес. Тіпті көп жағдайда керісінше болып жатады. Malim.kz тілшісі Айшолпан Керім жұмыс іздеудегі өз тәжірбиесін бөлісіп, өзге студенттермен де сөйлесіп, іс-тәжірбиесі мүлде жоқ жас мамандар не істесе болады деген сұраққа қатысты сарапшы пікірін сұрап көрді.

Қазақ студенттері не жеп жүр?

Алматыда «шетте қалған» студенттер наразылыққа шықты

Бүгін Алматыдағы Шет тілдер және іскерлік карьера университетінің (ШТІКУ) студенттері мен олардың ата-аналары оқу орны алдында наразылық акцияларын өткізді. Оларға жабылып қалған университеттің басшылары қолдау көрсетпеді.

«Оффлайн оқитынымызды білген соң, пәтерақыны көтеріп жіберді» - студенттердің шағымы

Алматы студенттері жалдамалы пәтер құнының шарықтап кеткенін айтып, шағымдануда. Студенттердің дәстүрлі форматта оқитыны белгілі болған соң, пәтерақы шамамен 30 пайызға артқан, ал жатақханаларда орын жоқ. Мұны айтқан білімгерлердің көбі әлі пәтер таппай, таныстарының үйін жағалап жүр. Malim.kz тілшісі студенттермен сөйлесіп, оқиғаға қатысты маман пікірін сұрап көрді.

Әшімбаев арызын Аймағамбетовтің орнына Тоғжанов тыңдады

Сенат спикері Мәулен Әшімбаев палата отырысы кезінде қазақстандық жас мамандардың дайындық сапасына күмәнмен қарайтынын және бұл мәселені тез арада шешу керегін айтты.