Нөсер жауын: Астанада көліктер әдеттегідей «жүзіп» жүр (ФОТО)
Қаланың коммуналды қызметі нөсер жауын салдарын жедел жою үшін қанша жанталасқанымен, үлгере алмай жатыр.
Жаңбыр жауса болды, Астана көшесін су басып кету үйреншікті көрініске айналғалы қашан. Қала билігіне қанша әкім келсе де, мұнымен күресе алмай-ақ қойды, деп хабарлайды Malim.kz.
Бүгін де елордада толассыз жауған жаңбыр салдарынан қала көшелері тағы да суға толып кетті. Көліктер «жүзіп» жүр.
Алдымен бармақтай бұршақ жауып, соңы толассыз жаңбырға ұласты. Су деңгейі жол жиегіне шығып кеткендіктен, жүргізушілер жолды көре алмай әбігерге түсіп жатыр.
Қаланың коммуналды қызметі нөсер жауын салдарын жедел жою үшін қанша жанталасқанымен, үлгере алмауда.
«Қазгидрометтің» хабарлауынша, бүгін еліміздің солтүстік өңірлерінде бұршақ жауып, соңы жаңбырға ұласады.
Фото: Malim.kz
