Пржевальский жылқысы тарихи мекені Қостанай өңіріне оралды
Қостанай облысының оңтүстік өңірі - Пржевальский жылқыларының тарихи мекені саналады
Бұл Қазақстан мен Чехияның ынтымақтастығының арқасында мүмкін болды, деп хабарлайды Malim.kz.
Екі республика арасындағы Халықаралық келісім шеңберінде Қостанай облысына (Амангелді және Жангелді аудандарына) осы сирек кездесетін 40 жануарлар қайта жерсіндірілетін болады.
Пржевальский тұқымды 8 жылқысының бірінші партиясы 2024 жылдың 4 маусымында "Алиби" реинтродукция орталығына (Амангелді және Жангелді аудандары) жеткізілді. Олар Чехиядан Арқалық әуежайына екі әскери ұшақпен әкелінген болатын.
Пржевальский тұқымды жылқылары Қостанай облысы фаунасының ажырамас бөлігіне айналады, - дейді өңір басшысы Ақсақалов.
Пржевальский жылқыларын реинтродукциялау – Қазақстанның биоалуантүрлілік қауымдастығының бастамасымен қолға алынғанын айта кеткен жөн.
Фото: Қостанай облысының әкімдігі
MalimBlocks
