ҚМА атынан қазақстандықтарға күдікті қоңыраулар түсіп жатыр
Бұл ретте, қоңырау шалушылар өз әрекеттері жайлы ешкімге хабарламауыңызға кеңес береді.
![](/images/article-img/1600/23541-1721972701-m.jpeg)
Алаяқтар телефон қоңыраулары немесе хабарлама жіберу арқылы өздерін Қаржылық мониторинг агенттігі қызметкерлері ретінде таныстыруы мүмкін. Сол себепті агенттік сақ болуға шақырады, деп хабарлайды Malim.kz.
Сұхбат барысында Қазақстан резиденттерінің қаражатын банктік шоттардан қылмыстық жолмен алудың әр түрлі схемасын сылтау етіп, алаяқтықтың ықтимал белгілеріне және ҚМА тарапынан қойылған шектеулерге байланысты банктердегі шоттар бойынша операцияларды тоқтата тұру туралы хабардар етеді. Әрі қарай, алаяқтар банктік шоттардың реквизиттерін, заңмен қорғалатын және құпия, жария етілмейтін деректерді ұсынуды сұрайды, - деп хабарлады агенттік.
Әңгімелесу барысында жәбірленушіге Агенттік атынан жалған құжаттар жіберіледі, онда мемлекеттік органның қолы, атауы, мөрі мен реквизиттері орналастырылады. Бұл ретте, қоңырау шалушылар өз әрекеттері жайлы ешкімге хабарламауыңызға кеңес береді.
Қаржылық мониторинг агенттігі жеке тұлғалардың шоттарына қызмет көрсетпейтінін, ақшалай есеп айырысулар/операциялар жүргізбейтінін және жеке тұлғалармен байланыс орнатуға бағытталған қызметті жүзеге асырмайтынын ресми түрде мәлімдейді.
Егер сіз алаяқтық схемаларға тап болсаңыз, сондай-ақ ұялы телефоныңыз бен ондағы деректердің ұрлануын болдырмау үшін ҚМА мұндай хабарламаларды елемеуді және құқық қорғау органдарына немесе Агенттіктің Call-орталығына (1458) хабарласуды сұраймыз, - деп хабарлады агенттік.
Фото: Shutterstock
Байланысты жаналықтар
MalimBlocks
![](/images/article-img/600/24381-1724941880.jpeg)