Батыс Қазақстан облысы Шыңғырлау ауданы, Ақсуат ауылының тұрғындары дауыс беруді 1 сағат ішінде аяқтаған, деп хабарлайды Malim.kz.
Облыс әкімдігінің мәлімдеуінше, ауылдағы 180 тұрғынның 90-ы дауыс беру құқына ие. Жексенбі күні ауылдағы ағайынның бірі қалмай сайлау аумағынан табылған.
Айта кетейік, бүгінгі референдумда БҚО-да 510 референдум комиссиясы, оның ішінде 14 аумақтық, 496 учаскелік комиссия жұмыс істеп жатыр.
Облыс әкімі Нариман Төреғалиев Оралдағы Ақпараттық технологиялар колледжіндегі учаскеде дауыс берді.
Фото: freepik.com
