Абай облысында орман аумағында от тұтатқан адам жауапқа тартылды, деп хабарлайды Malim.kz.
ТЖМ мәліметінше, Абай облысының Өртке қарсы қызметіне «Семей орманы» МОТР РММ Новошульба филиалының Орталық орманшылығы аумағында орман жамылғысы аймағында от тұтанғаны туралы хабарлама түскен.
Оқиға орнына өңірдегі ТЖД күштері мен құралдары және «Семей Орманы» МОТР қызметкерлері келгеннен кейін жалпы ауданы 0,03 га құрғақ шөптің өртенгені анықталған.
Іздестіру іс-шараларымен кінәлі адам да табылған.
Трактор иесі Боровлянка ауылының тұрғыны ҚР ӘҚБтК 367-бабы 3-бөлігі бойынша 184 600 теңге сомасына айыппұл түрінде әкімшілік жауапкершілікке тартылған.
Фото: ТЖМ
