Соколов-Сарыбай шахтасында жұмысшы қаза болды
Кәсіпорын ұжымы көңіл айтып, сондай-ақ марқұмның отбасына қажетті көмек көрсетілетінін мәлімдеді.
Соколов-Сарыбай кен-байыту өндірістік бірлестігінің Соколов шахтасында 280 метр тереңде жұмыс істеп жатқан шахтер қаза тапты, деп хабарлайды Malim.kz.
Ақпаратты комбинаттың баспасөз қызметі растады.
Өндірісте құрылыс жұмыстары жүргізілгеннен кейін 280 метр тереңдікте тау-кен массасының бір бөлігі опырылып, жұмысшының үстіне құлап басып қалған. Салдарынан қызметкер ауыр жарақат алып қаза тапты. Оқиға бойынша тергеу амалдары жүргізіліп жатыр, - делінген ресми хабарламада.
Кәсіпорын ұжымы көңіл айтып, сондай-ақ марқұмның отбасына қажетті көмек көрсетілетінін мәлімдеді.
Фото: интернеттен
