Су тасқыны: Қостанай облысында бүлінген 194 үйдің иелеріне жаңа баспана беріледі

Облыс әкімінің орынбасары облыстың оңтүстік өңірлерінде мал көп қырылғанын айтты.

Malim Админ

  • 12.04.2024

Қостанай облысы әкімінің орынбасары Ерлан Спанов өңірде тасқыннан зардап шеккен тұрғындардың шығыны қалай өтеліп жатқанын баяндады.

Облыстың екі қаласы мен төрт ауданында төтенше жағдай жарияланды. Аталған өңірлердің бәрінде зардап шеккендерге шығынды өтеу бойынша комиссиялар құрылды. Төлем туралы шешімді комиссиялар жылжымайтын, жылжымалы мүліктерді, малды бағалап, техникалық тексеру өткізгеннен кейін қабылдайды.

Бүгінгі таңда 353 нысан тексерілді. Оның ішінде 159 үй қалпына келтіруге жарамды. Олардың бүліну деңгейін бағаланғаннан кейін өтеуге жататын залал сомасы белгіленеді. Қалпына келтіруге жарамсыз 194 үй тіркелді. Олардың иелеріне жаңа баспана беріледі, - деді ол Орталық коммуникациялар қызметінде өткен брифингіде.

Облыс әкімінің орынбасары облыстың оңтүстік өңірлерінде мал көп қырылғанын айтты.

Ветеринариялық қызметтің мәліметі бойынша, су тасқыны салдарынан мал өлімі 951 басқа жеткен. Соның ішінде 214 бас малды бағалау аяқталды. Енді өтемақы беру мәселесі пысықталып жатыр.

Электр желілерінің 1414 бағаны, соның ішінде 52 жоғары вольтты тірек зақымдалған. Барлық ірі елді мекендерде электрмен жабдықтау қалпына келтірілді, бірақ шамамен 26 шағын елді мекен әлі күнге дейін электр қуатынсыз қалып отыр. Қазіргі таңда смета әзірленді, қажетті материал, тіректер әзірленіп жатыр.

Зардап шеккен халыққа әлеуметтік қолдау жұмыстары су тасқынының алғашқы күндерінен бастап жүргізілуде. Бүгінгі таңда біржолғы төлемге 1345 өтініш түсті. 715 өтініш бойынша 166 млн теңге төленді, өтініштерді қабылдау және төлеу жұмыстары жалғасуда, - деді әкімнің орынбасары.

Фото: видеодан скрин

Байланысты жаналықтар

Министр су тасқыны болған өңірлерде оқушылар емтиханнан босатылатынын айтты

21.05.2024

Қазақстандағы су тасқыны: өңірлерде не болып жатыр

20.05.2024

Су тасқыны: Бектенов әкімдерге қалпына келтіру жұмыстарын тездетуді тапсырды

20.05.2024

Қазақстандағы су тасқыны: тағы бір халықаралық іс-шара өтпейтін болды

20.05.2024

Балқаш көліндегі су деңгейі 8 см-ге көтерілді

20.05.2024

ТЖМ су тасқынына қарсы шаралардан хабардар етті

19.05.2024
MalimBlocks
Министр су тасқыны болған өңірлерде оқушылар емтиханнан босатылатынын айтты

Сондай-ақ ол Атырау, Түркістан, Ақтөбе облыстары балалардың жазғы демалыспен қамтылуын арттыруға баса назар аудару қажет екенін айтты.

Қазақстандағы су тасқыны: өңірлерде не болып жатыр

Мамандар тасқын суын өткізу жұмысын жалғастырып жатыр.

Су тасқыны: Бектенов әкімдерге қалпына келтіру жұмыстарын тездетуді тапсырды

Жетекшілік ететін бағыттар бойынша зардап шеккен өңірлердің әкімдері мен министрлердің баяндамасы тыңдалды.

Қазақстандағы су тасқыны: тағы бір халықаралық іс-шара өтпейтін болды

2018 жылы басталған Digital Bridge халықаралық форумы биыл алтыншы рет өтуге тиіс еді.

Балқаш көліндегі су деңгейі 8 см-ге көтерілді

Кө1 сәуірде 174 см-ге жеткен еді.

ТЖМ су тасқынына қарсы шаралардан хабардар етті

Уақытша нысандарда әлі де 5 мыңнан астам адам бар