Шымкентте 11-сынып оқушысы профессорды ұрып өлтірді деген күдікке ілінді
Медицина академиясының профессоры ауруханада көз жұмды.
Оңтүстік Қазақстан медицина академиясының профессоры Бақыт Өтегенов 15 мамырда Шымкенттегі Айдын көшесінде соққыға жығылды. 11-сынып оқушысы күдікті ретінде ұсталды, деп хабарлайды Malim.kz.
Бес күннен кейін профессор Өтегенов ауруханада қайтыс болған.
Тергеушілердің айтуынша, 17 жастағы жігіт пен профессордың араларында жанжал болған. Артынша жас жігіт ата-анасының қамқорлығына берілді.
Қазақстан Республикасы Қылмыстық кодексінің 107-бабы «Денсаулыққа қасақана ауырлығы орташа зиян келтіру» бабының 3-бөлігі және Қазақстан Республикасы Қылмыстық кодексінің 106-бабы «Денсаулыққа қасақана ауыр зиян келтіру» бойынша іс қозғалды, - деп хабарлады Шымкент полиция департаменті.
Биыл мектеп бітіруі тиіс болған оқушы 8 жылдан 12 жылға дейін бас бостандығынан айырылуы мүмкін.
ОҚО медицина академиясының баспасөз қызметінің мәліметінше, Өтегенов осы оқу орнында 20 жылдай қызмет еткен. Қазақстан тарихы және қоғамдық ғылымдар кафедрасында аға оқытушы болып жұмыс істеген.
Фото: әлеуметтік желі
