«Үкімет те әбден үйреніп алған»: Лодочников «жылу жинайтын» блогерлерге күмән келтірді
Ол блогерлерге өз қаражаттарын аударуды ұсынды.
Белгілі қазақтілді блогер Алексей Лодочников су тасқынынан зардап шеккендерге көмек көрсетуге жылу жинау жарияланған кездегідей, үнемі «ақша жинайын» Қазақстан блогерлерінің шынайылығына күмән келтірді, деп хабарлайды ҚазТАГ-қа сілтеме жасаған Malim.kz.
Қазіргі уақытта еліміздің көптеген өңірінде, қалаларында су тасқыны болып жатыр. Осыған байланысты қазір бәрі - әрбір екінші блогер «сбор» ашады. Кеше ғана осы блогерлердің барлығы жиналып, видео түсіріп, «Қиын-қыстау қилы заманда» әнін қойып, «осындай қысылтаяң мезгілде бір-бірімізге көмектесейік, осыған байланысты ақша жинауды бастаймыз» дейді. Неліктен бұл «сборлар» ашылады, мен оны түсінбеймін. Сонымен, Үкімет бәрін жасайды, Тоқаевтың өзі «біз бәріне көмектесеміз, бәріне үй саламыз, шығындардың бәрін өтейміз және т.б.» деді. Елдің көптеген ірі кәсіпорны миллиардтаған ақша бөледі. BI Group үйлерді саламыз дейді. Менің ойымша, бұл - жеткілікті, - деді Лодочкинов әлеуметтік желідегі парақшасында.
Ол блогерлерге өз қаражаттарын аударуды ұсынды.
Блогерлер кедей адамдар емес деп айта аламын. Егер сіз олардың Instagram парақшаларын көрсеңіз, онда кейбіреулерінде бес көліктен бар, ал енді бірі кейде миллиондаған және миллиардтаған ақша табатынымен мақтанады. Оның орнына, барлық блогер, өзара ақша жинап, «бұл барлық блогердің атынан халыққа көмек болсын» деп айтыңыз, сонда дұрыс болады, - деді Лодочников.
Сондай-ақ Алексей жиналған ақшаның есебі туралы пікір білдірді.
Бір кездері сіздердің барлығыңыз, блогерлер, гив арқылы ақша жинадыңыздар. Оның есебі де жоқ, ештеңе жоқ. Олар: «біз 5 миллион, 10 миллион теңге жинадық» дейді. Бірақ олардың қанша жинағанын ешкім білмейді. Бұлай болмайды! Бізде «Қазақ халқына», «Біз біргеміз» қорлары бар. Менің ойымша, бұл көмек үшін жеткілікті. Жалпы, мұндай жылу жинау дегенді қою керек, бұған Үкімет те әбден үйреніп қалған, егер бірдеңе болса, онда халықтың өзі бір-біріне көмектеседі деп. Бұл менің жеке пікірім, - деп қорытындылады Лодочников.
Фото: esquire.kz
Байланысты жаналықтар
MalimBlocks
