ҰҚК Қазақстан-Өзбекстан шекарасындағы өткізу пункттері туралы ескерту жасады

Ұлттық қауіпсіздік комитеті Қазақстан-өзбек шекарасындағы өткізу пункттерінің жұмысы туралы ақпарат жариялады, деп хабарлайды Malim.kz.

12 ҰҚК Шекара қызметі Өзбекстан Республикасымен шекарадағы «Жібек жолы» өткізу пунктінде адамдар мен көлік құралдарының мезгіл-мезгіл жиналуы байқалатынын хабарлайды. Бұл іргелес аумақтағы «Гишт Куприк» өткізу пунктінде жол төсемінің салынуы мен кеңейтілінуіне байланысты. Сондай-ақ, қазіргі уақытта «Қапланбек» өткізу пунктінің жөндеу жұмыстарына байланысты жабылғанын жеткіземіз, - делінген хабарламада. 

Өз кезегінде, «Тәжен», «Атамекен» және «Қазығұрт» өткізу пункттерінде жүргізіліп жатқан реконструкция себебінен адамдар мен көлік құралдарының қозғалысы шектелген.

Мемлекеттік шекара арқылы басқа өткізу пункттері штаттық режимде жұмыс істеуде. Маршруттарыңызды алдын ала жоспарлауды сұраймыз, - деп хабарлады ҰҚК.

Фото: gov.kz