Қазақстанда 21 жасқа толмаған азаматтарға ресми келісімсіз несие берілмейтін болады. Бұл түзету қаржы нарығын дамыту және қаржылық қызметтерді тұтынушылардың құқықтарын қорғау туралы заңға енгізілді, оны Мәжіліс қабылдады, деп хабарлайды Malim.kz.
21 жасқа толмаған және 55 жастан асқан азаматтарға тек Egov порталы арқылы рәсімделген келісімнен кейін ғана несие беріледі.
Сондай-ақ, жаңа заң қабылданғаннан кейін мерзімді әскери қызметтегі әскери қызметшілерге несие мен микрокредит беруге тыйым салынады. Бұдан бөлек, кепілсіз тұтынушылық онлайн несиелерге "суыту кезеңі" енгізіледі – бұл кезең 24 сағатты құрайды.
Банктер алаяқтық белгілері бар транзакциялар анықталған жағдайда, банк шотынан қаражат шығару операцияларын тоқтата тұру бойынша қосымша өкілеттіктерге ие болады.
Экономикалық жағдай нашарлаған жағдайда әлеуметтік жағынан осал топтағы азаматтарға қарыздар мен микрокредиттер бойынша кемінде үш айға айыппұлсыз кейінге шегеру беріледі, ал ай сайынғы төлем 50 пайызға және одан да көп мөлшерде төмендетіледі.
Сондай-ақ, банктік несиелерді бөліп немесе мерзімінен бұрын өтеу кезінде жеке тұлғалардан айыппұл алу алынып тасталады.
Ал микрокредиттер бойынша кез келген айыппұлдар алуға тыйым салынады (микрокредитті қайтармағаны үшін алынатын айыппұлдан басқа).
Фото: pixabay.com
Байланысты жаналықтар
MalimBlocks
Тоқаев заңға қол қойды: шетелдік легионерлерге қаржы бөлінбейді
Мемлекет басшысы «Қазақстан Республикасының кейбір заңнамалық актілеріне дене шынықтыру және спорт, сондай-ақ артық заңнамалық регламенттеуді болғызбау мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды
