2016 жылы президент айтқан 10 сотық жер Әшімбаевқа керек емес екен

Сенат спикері Мәулен Әшімбаев қазақстандықтарды ондаған жылдар бойы кезекке тұрғызған 10 сотық жер туралы айтты. Оның сөзіне қарағанда, Қазақстанда жер жетеді, бірақ...

Алмас НҮСІП

  • 21.04.2022
М.Әшімбаев пен экс-президент Н.Назарбаев. Фото ашық интернет-көзінен алынды

Астананың төрінен, Сенат кулуарынан сөйлеп тұрған Әшімбаев мырзаға жер керек емес екен. Оның үстіне, әлі ешқандай жағдай жасалмаған 10 сотық жерге Сенат спикері басымен таласып жүрсе, тізім тым көбейіп кететіні түсінікті, бәлкім, алдымен халқым алып алсын деді ме екен, спикер 10 сотық жер алуға әлі өтініш бермепті.

 «Мен [жер алуға өтініш] бергем жоқ. Бұл біздің азаматтардың құқығы. Қазақстанда жер жоқ деген әңгіме емес, мәселе біздің ұлан-ғайыр мемлекет екенімізде де емес, бізде жер жетеді. Әңгіме Қазақстан азаматтарына 10 сотықтан жер беруде, мен бұл мәселеге сатылап келеміз деп ойлаймын. Бірақ, бұл жерлерге коммуникация жүргізуі керек. Мұнда жол болу керек, жарық, электр, су, мүмкіндігінше канализация болуы керек», - дейді Әшімбаев.

Айтпаса да түсінікті, 10 сотық жерді қазақстандықтар егін егу үшін сұрап жүрген жоқ. Үй салу үшін сұрап жүр. Су, свет, жолды өздері тартып алып үйренген, мүмкіндігінше газ жүргізіп берсе дейді. Ал енді «мүмкіндігінше канализация болғанына» да онша бас қатырмайды. Бірақ, елін соншалық сауатсыз санайтын шенеуніктерге тән әдетпен, соны соншалық ыждаһатпен түсіндіріп берген Әшімбаев мырза миллиондаған 10 сотық жердің қашан «гүлденетінін» нақты айтпапты. Экс-президент Нұрсұлтан Назарбаевтың жиі айтатын «бәрі бір күнде бола салмайды» деген сөзі еске түсіргені болмаса, 10 сотық жерге байланысты жұрттың сауалын қанағаттандырды деу қиын.

Айтпақшы, 10 сотық жер Назарбаевтың да дағдартқан мәселе. Сонау президент кезінде-ақ, 2016 жылы ол бүтін бір ауылды салып тастаған құрылыс компанияларын мысалға ала келіп:

«Мүмкін, осы бағыт бойынша жүрерміз? Яғни, ақшаны құрылысшыларға беріп, халыққа: «Қалағандарың осы ма? Міне, сендерге он сотық, мынаддай-мынадай архитектуралық жоба бойынша салдық, сатып алыңдар. Бұл мәселе бойынша кредит берерміз, әлде басқаша көмектесеміз бе...» - деп отырып қалған.

Мұның соңы «10 сотық+үй» деген формат болса қалай болады деп, біраз сарапшылардың басын қатырған. Экс-президент үкіметтің кеңейтілген отырысында «нақты тапсырма бергенмен», ақыры, көп мәселенің бірі болып ұмытылған. Бұрынғы президент те онша қазбаламаған. Сөйткен жер мәселесі енді қайта шығып отыр.

Әшімбаев 2019 жылы «Нұр Отан» төрағасының бірінші орынбасарлығынан кетер қарсаңда кез келген позицияда, кез келген жағдайда елбасының стратгеиялық курсын дамыту үшін ол берген тапсырмаларды жан-тәнімен орындайтынын айтқан. Бәлкім, 2016 жылғы тапсырманы орындаудың сәті енді түскен шығар?..

Айтпақшы, жер дегенде, коммуникация дегенде экс-президент Назарбаевтың кезінде шыққан «Туған жер» бағдарламасы еске түседі.

«Туған жер» бағдарламасы аясында біраз меценаттар өздерінің шыққан жерлеріне көмектерін беріп жатыр. Нысандардың салынуына бастамашы болуда. Өткен жылы осындай мақсаттарға меценаттардың тарапынан 51 миллиард теңге бөлінді деген ақпарат бар. Бұл да үлкен көмек екені сөзсіз. Бірақ өзінің туған жеріңе көмек беруді жершілікдікке итеру деп қабылдауға болмайды. Бәріміз – бір елдің азаматымыз. Қазақстан – ортақ Отанымыз», - деп еді Әшімбаев 2018 жылы.

Әшімбаев 10 сотық жерге коммуникация тарту үшін баяғы «Туған жер» бағдарламасын пайдаланып жіберуді ойлар, ойламас, әйтеуір, өзімен бір елде тұратын азаматтарға қалаған жерінен, ортақ отаны Қазақстаннан 10 сотық жерді қашан және қалай беретінін нақты айтып бергенде, халық өзі де жиі дауға қалып жүрген eGov-қа күш түсірмес еді.

Байланысты жаналықтар

Тоқаев екі заңға өзгеріс енгізді

18.07.2024

Елімізде «Жасанды интеллект туралы» заң жобасы әзірленді

16.07.2024

Тоқаев Ұлттық банк төрағасына бірқатар тапсырма берді

16.07.2024

Олжас Бектенов қазақстандықтарды газбен жабдықтауда сапалы қызмет көрсетуді тапсырды

16.07.2024

Мажарстан мен Албаниядағы Қазақстан елшілері тағайындалды

16.07.2024

Президент БАӘ-нің Қазақстандағы елшісін қабылдады

12.07.2024
MalimBlocks
Тоқаев екі заңға өзгеріс енгізді

Бұл туралы Ақорданың баспасөз қызметі мәлімдеді.

Елімізде «Жасанды интеллект туралы» заң жобасы әзірленді

Министрлік Мәжіліс депутаттарымен бірлесіп, озық әлемдік тәжірибеге сүйене отырып дайындаған.

Тоқаев Ұлттық банк төрағасына бірқатар тапсырма берді

Тимур Сүлейменов Ұлттық банктің биылғы жартыжылдықта жүзеге асырған ақша-кредит саясатының қорытындысы туралы есеп берді.

Олжас Бектенов қазақстандықтарды газбен жабдықтауда сапалы қызмет көрсетуді тапсырды

2023 жылдың қорытындысы бойынша халықтың 60%-ына немесе шамамен 12 млн адамға газ қолжетімді.

Мажарстан мен Албаниядағы Қазақстан елшілері тағайындалды

Бұл туралы Ақордадан мәлім етті.

Президент БАӘ-нің Қазақстандағы елшісін қабылдады

Кездесуде бұған дейін жоғары деңгейде қол жеткізілген сауда-экономика және инвестиция салаларындағы уағдаластықтарды жүзеге асыру барысы талқыланды.