Әкімге "ханның қызысыз ба?" деген белсенді сотқа тартылды

Malim Админ

  • 11.08.2020

Қызылорда облысының әкімі Гүлшара ӘБДІХАЛЫҚОВАҒА «Ханның қызысыз ба?» деген қоғамдық белсенді Сандуғаш ТҰРЛЫБЕКОВА әкімшілік жауапқа тартылды. Бірақ оның үстінен қозғалған әкімшілік іске көршісі Ғалия БЕКМҰХАМБЕТОВАНЫҢ арызы себеп болыпты. Бір жылда екі рет әкімшілік сотта істі болған Сандуғаш бұндай сот процесстерін өзінің қоғамдық-саяси өмірдегі белсенділігімен байланыстырады.

«Бұл 28 шілде күні болған оқиға ғой. Мен Жаңақорғандағы ескі екі қабатты үйде тұрамын. Ауыз су мен дәретханамыз сыртта. Ішке су кіргізу үшін жеңгем Ақсәуле ЖАЙДАРХАНОВА  екеуіміз су маманымен сыртта сөйлесіп тұр едік. Көршілерім Ғалия Бекмұхамбетова мен Әсел Қатпарова. Бізге соқтығып, ауызына келген сөздерді айтты. Біз ұрысқанымыз жоқ. Мән бермей кетіп қалдық. Сөйтсек, «мені балағаттады» деп полиция шақырып, арыз жазып тастапты», - дейді Сандуғаш Тұрлыбекова МӘЛІМ КЗ сайтының тілшісіне.

Судья Рысқұлов сотта қоғамдық белсенді, көпбалалы ана Сандуғаш Тұрлыбекованы кінәлі деп тауып, әкімшілік кодекстің 434-бабының 3-бөлігімен кінәлі деп тапқан.  Және 38 892 мың теңге айыппұл салған. Ал Ақсәуле Жайдархановаға 9 мың теңге айыппұл кесіп берген.

«Мен көпбалалы анамын. Осы уақытқа дейін көп қиындықты көрдім. Жасым отыз алтыда. 34 жасымнан бастап қоғамдық өмірге араласа бастадым. Елдегі көпбалалы аналар проблемасын айтып жүрмін. Содан бастап «ұрысқақ, даукескеге» айналып кеттім. Соттың шешімімен келіспей аудандық әкімдікке бардым. Араша сұрадым. Мені қолдап жиырма шақты көпбалалы аналар барды. Бірақ жергілікті шенеуніктер ауыр сөздер айтып шығарып салды. Сот әділетсіз шешім шығарды деп есептеймін. Жалған куәгер тартылды. Ол куәгер тіпті сотқа қатысқан жоқ. Оның сөзін судья оқып берді. Менің сөзімді құлаққа ілмеді», - дейді Сандуғаш Тұрлыбекова. 

Енді жаңақорғандық белсенді аппеляциялық шағым жазбақшы. Қазір адвокат іздеп жатқанын айтады. Сондай-ақ, «Облыс басшысына «Ханның қызысыз ба?» дегенім үшін істі болып жатқан жоқпын ба деген сұрақ пайда болды», - дейді Сандуғаш.

Естеріңізге сала кетейік, 2020 жылдың шілде айында Қызылорда облысы әкімі Гүлшара Әбдіхалықова Жаңақорған ауданына іс- сапармен келген болатын. Сол кезде көпбалалы ана Сандуғаш Тұрлыбекова полиция «облыс әкімі келді» деп жолды жапқанын айтқан. Және әлеуметтік желіге видео жариялады. Аудандық аурухананы аралып шығып келе жатқан әкімге: 

«Больницаға келе жатыр деп маршрутты тоқтатып, жолды жауып тастады. Сіз әлде ханның қызысыз ба? Халықты қорлайсыздар. Келе салып әшейін кетесіздер, халықпен бірге емессіздер, – деген еді Тұрлыбекова.

Артынша облыс басшысы жауап қатқан-ды. Кінәлі қатардағы полиция болып шықты. 

«Мен жолды жабуға тапсырма берген жоқпын. Аудан әкімі де жолды жабуға тапсырма берген жоқ. Ішкі істер бөлімінің басшысы да ондай тапсырма бермеген. Сол жердегі учаскелік полицияның тапсырмасы болса, cолардың іс-әрекеті болса, онда мен облыстық полиция департаментіне тапсырма бердім сол әрекеттің қаншалықты дұрыстығын білуге», – деп жазды Қызылорда облысының әкімі Гүлшара ӘБДІҚАЛЫҚОВА.

Сандуғаш Тұрлыбекова «Ақжүніс Аналар» еріктілер ұйымының Қызылорда облысындағы өкілі. Қазақстан демократиялық партиясын құру жөніндегі бастаманы қолдаған белсенділердің бірі.

МАТЕРИАЛДЫ КӨШІРІП БАСУҒА БОЛМАЙДЫ. 

Байланысты жаналықтар

Президент балаларды суицидке итермелейтін жағдайлармен күресуді тапсырды

18.06.2024

«СК-Фармация» ЖШС басшысы қызметінен кетті

18.06.2024

«Әнұран», «Елтаңба», «Ту»: Бұл ұғымдарға қатысты ғылыми ортақ шешім жоқ – Асылжан Бижанов

17.06.2024

Мақсат Толықбай Парламенттен кетеді

17.06.2024

Олжас Бектенов Жамбыл облысында су үнемдеу технологиясын енгізуді тексерді

14.06.2024

Судьялардың жауапкершілігі күшейтіледі

14.06.2024
MalimBlocks
Президент балаларды суицидке итермелейтін жағдайлармен күресуді тапсырды

Президент құқықтық сауаттылық деңгейін көтеру және оқушылар арасында «Заң мен тәртіп» қағидатын насихаттау маңызды екенін айтты.

«СК-Фармация» ЖШС басшысы қызметінен кетті

Ерхат Есқалиев серіктестікті 2020 жылдан бастап басқарған.

«Әнұран», «Елтаңба», «Ту»: Бұл ұғымдарға қатысты ғылыми ортақ шешім жоқ – Асылжан Бижанов

Өңірлік нышандардың әркелкілілігі, олардың бекітілу тәртібіндегі жүйесіздік, кейбірінің авторларының да белгісіз болуы қиындық туғызуда.

Мақсат Толықбай Парламенттен кетеді

Ол 2023 жылы Мәжіліске депутат болып сайланған.

Олжас Бектенов Жамбыл облысында су үнемдеу технологиясын енгізуді тексерді

Бүгінгі күні су нысанында бөгеттің сейсмикалық тұрақтылығын арттыра отырып, реконструкциялау жөніндегі жобаның екінші кезегі іске асырылуда.

Судьялардың жауапкершілігі күшейтіледі

Конституциялық заң жобасының мақсаты – сот төрелігінің атқарылу сапасын, судьялар корпусының кәсіби біліктілігін, олардың жауапкершілігі мен тәуелсіздігін арттыруға бағытталған құқықтық тетіктерді жетілдіру арқылы сот жүйесін одан әрі дамыту.