Алматыда наразылар бесінші қаңтар күні түстен кейін қала әкімдігіне басып кіргені туралы хабар тарап жатыр. Vlast.kz сайтының парақшалары әкімдіктің есік-терезелері сындырылғанын жазды. Жаңа алаңға бірнеше мың адам келген. Алаңға жақын кеңселерде істейтіндер оқ атылғанын естіген. Күштік құрылымдар топқа шулы гранаталар лақтырған. Әкімдікте қызметкерлер бар-жоғы белгісіз.
Ал «Новая газета» әкімдіктің орталық бөлігі мен алдыңғы жағын өрт шалғанын хабарлады. Сондай-ақ, Алматыда прокуратура ғимараты да өртеніп жатқаны жайында хабар тарады. Азаттықтың хабарлауынша, Төле би көшесінің бойындағы Сайран автобекеті қасындағы "Нұр Отан" партиясы ғимаратының есік-терезесі сындырылып, ғимараттың кей жерін өрт шалған.
Алматыда наразылар мен полиция арасында қақтығыс болған. Кейбір ақпарат көздеріне қарағанда, наразылыққа шыққандардың арасында қолдаранына арматура ұстап, тас лақтырып, шағын дүкендерді
тоннап жатқандар да бар.
Алматы денсаулық сақтау басқармасы қаладағы наразылық кезінде 190 адам зардап шеккенін, 40 адам ауруханаға жатқызылғанын хабарлады. Зардап шеккендердің 137-сі - полицей, 53-і тұрғын.
«Жеті адам жансақтау бөлімінде жатыр, оның төртеуі полиция қызметкері» деді басқарма.
Маңғыстау облысындағы Жаңаөзен қаласында жаңа жылдан газдың қымбаттауынан басталған наразылық Қазақстанның барлық өңіріне тарады. 5 қаңтарға қараған түні Алматыда Республика алаңына жиналған наразы жұртқа билік шулы жарық граната қолданып, көзден жас ағызатын газ шашты. Бірнеше полиция көлігі өртенген. Президент Қасым-Жомарт Тоқаев Алматы қаласы мен Алматы, Маңғыстау облысында 19 қаңтарға дейін төтенше жағдай енгізді. Наразылық күшейген тұста Қазақстан үкіметі отставкаға кетті.
Байланысты жаналықтар
MalimBlocks
Тоқаев заңға қол қойды: шетелдік легионерлерге қаржы бөлінбейді
Мемлекет басшысы «Қазақстан Республикасының кейбір заңнамалық актілеріне дене шынықтыру және спорт, сондай-ақ артық заңнамалық регламенттеуді болғызбау мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды
