«Ақ үйді» басып алды: Жээнбеков қайда?

Malim Админ

  • 06.10.2020

Қырғызстандағы Парламент сайлауынан кейін оппозициялық саяси ұйымдар митинг ұйымдастырып, артынша, түнде  «Ақ үйді» басып кіріп, Қырғызстан президенті Сооронбай ЖЭЭНБЕКОВТІҢ кабинетіне кіргені белгілі болды. Наразалыар «Ақ үйге» кіргенде президент Жээнбеков болмаған.

Жээнбеков қайда?

Қырғыз президенті баспасөз хатшысының хабарлауынша, Жээнбеков қазір Бішкекте, «жағдайды толықтай бақылауда ұстап отыр».

Толғанай Стамалиеваның айтуынша, Жээнбеков жергілікті уақыт бойынша түнгі сағат 2:00-ге дейін Жогорку Кенештің ғимаратында болған. Онда саяси күштермен диалог өткізіпті.

«Президент бар күшін елдің дұрыс арнаға түсуіне жұмылдырып жатыр. Ең алдымен, бұл кеше ғана өткен парламент сайлауының қорытындысына байланысты. Болған жағдайды ескере отырып, президент  ОСК-ты материалдарды мұқият қарауп шығуға , егер заң бұзушылықтар болса, сайлау қорытындысын жоққа шығаруға шақырды», - дейді Стамалиева.

Сондай-ақ, ол президенттің наразылық акциясын ұйымдастырушылардың ақылға келетінінен үміттенетінін айтты.

Артынша, Сооронбай Жээнбековтің өзі де халыққа видео үндеу жолдап, сайлау қорытындысын жоққа шығаруға дайын екенін хабарлады.

«Құрметті отандастарым, кеше түнде саяси күштер мемлекеттік билікті тартып алу әрекетін жасады. Сайлауды сылтау қылып, қоғамдық тәртіпті бұзды. Қала тұрғындарын бүлік салуға итермеледі. Тәртіп сақшыларына бағынбай, күштік құрылым өкілдеріне күш көрсетіп, ғимараттарды талқандады. Қан төгілмесін, тұрғындардың өміріне қауіп төнбесін деп, күштік құрылымдарға оқ шығармауды бұйырдым. Жағдайдың ушықпауы үшін қазіргі уақытқа дейін барлық шараны қолдандық. Мемлекеттің тыныштығы, халықтың амандығы кез келген депутаттық мандаттан жоғары», - деді Қырғыз президенті.

Ол, сонымен қатар, оппозициялық партиялар мен саяси күштерді өз жақтастарын тыныштандырып, басып алған ғимараттардан алып кетуге шақырды. Отандастарынан сыртқы арандатушы күштердің арбауына түсіп, тәртіпсіздік пен заң бұзушылыққа бармауды сұраған Жээнбеков саяси амбициялардың ел тыныштығынан төмен тұруы керек екенін айтты.

Айта кету керек, Қырғызстанда кеше басталған наразылық шерулері түнге қарай күштік құрылым өкілдерімен қақтығысып, артынша Жогорку Кенеш пен «Ақ үйді» басып алғаны хабарланған. Сонымен қатар, Қырғызстанның экс-президенті Алмазбек АТАМБАЕВ бастаған бірқатар саяси тұтқындарды қамаудан босатып алған.

Жээнбековтің Бішкекте екені айтылғанмен, оның нақты қайда екені хабарланған жоқ.

Байланысты жаналықтар

Президент ақбөкендерді атуға тыйым салынатынын мәлімдеді

16.04.2024

Тоқаев Үкіметке ірі іс-шараларды өткізбеу жөнінде тапсырма берді

16.04.2024

Президент Солтүстік Қазақстан облысына жұмыс сапарымен барды

16.04.2024

Тоқаев пен Пашинян кеңейтілген құрамда келіссөз жүргізді

15.04.2024

Президент жұртшылық қызу талқылаған заңға қол қойды

15.04.2024

Су тасқынының келесі толқынына дайындық: Бектенов Оралға барды

15.04.2024
MalimBlocks
Президент ақбөкендерді атуға тыйым салынатынын мәлімдеді

Бұл туралы Тоқаев Қостанай ауданының тұрғындарымен кездесуінде айтты.

Тоқаев Үкіметке ірі іс-шараларды өткізбеу жөнінде тапсырма берді

Дүниежүзілік көшпенділер ойындарына жұмсалатын шығын қысқарады.

Президент Солтүстік Қазақстан облысына жұмыс сапарымен барды

Өңір әкімінің айтуынша, алты ауданда төтенше жағдай жарияланған.

Тоқаев пен Пашинян кеңейтілген құрамда келіссөз жүргізді

Қасым-Жомарт Тоқаев Ереванға сапармен келуге шақырғаны және қонақжайлық көрсеткені үшін Никол Пашинянға алғыс айтты.

Президент жұртшылық қызу талқылаған заңға қол қойды

Тоқаев 2023 жылғы 1 қыркүйектегі Қазақстан халқына арнаған Жолдауында әйелдер мен балаларға қатысты зорлық-зомбылық үшін жазаны қатаңдатуды тапсырған болатын.

Су тасқынының келесі толқынына дайындық: Бектенов Оралға барды

Жайық өзенінің жағалауын нығайту және бөгет құрылыстарын салу жұмыстарының барысын тексерді.