Депутаттар Қазақстанды аутсайдерлер қатарынан көргісі келе ме?

Есдәулет Қызырбекұлы

  • 16.09.2021

«Әділ сөз» сөз бостандығын қорғау халықаралық қорының мәліметінше, әлемде 12 ел ғана әлеуметтік желілерге шектеу қойған және олардың барлығы сөз бостандығы бойынша аутсайдер.

«Қыркүйектің 15-і күні мәжіліс депутаттары бір ауыздан шетелдік мессенджерлер мен әлеуметтік желі иелерін Қазақстанда жұмыс істеуі үшін тіркеліп, бөлімше ашуға міндеттейтін заң жобасын мақұлдады. Балаларды интернет, кибербулинг, агрессия, қылмыс және суицидтен қорғау құптарлық дүние. Бірақ депутаттарды мектеп, отбасы, медицинадағы балалар мәселесі алаңдатпайтын сияқты»,- делінген қор жариялаған мәлімдемеде.

Бұдан бөлек, мәлімдемеде «Әділ сөз» ұйымы заң жобасын ұсынған депутаттардың бірі Айдос Сарымның бұған дейін Орда.кз сайтына берген сұхбатына күмәнмен қарайды. Онда ұйым әлемде 12 ел ғана әлеуметтік желілерге шектеу қойғанын және олардың сөз бостандығы бойынша артта қалғанын алға тартады.

«Facebook, Instagram, Twitter қазақстандықтардың есебінен миллиардтаған доллар пайда табуда. Олар қойылған талаптарды орындайтын болады» дейді депутат Айдос Сарым Орда.кз сайтына берген сұхбатында. Бірақ біз қазақстандықтар Facebook қолданушыларының он мыңнан бір пайызын құрайтынын жақсы білеміз. Егер Facebook Қазақстанда тіркеуден өтуден бас тартса не болады? Былайша алғанда өте жақсы идея. Шетелдік пышақ өндірушілерді де Қазақстанда бөлімше ашуға міндеттейік. Пышақ салу оқиғалары азаятын шығар. Шетелдік автокөлік гиганттарын Қазақстанда тіркеуге алайық, жол апаты азаяр. Айтпақшы, әлемде 12 ел ғана әлеуметтік желілерге шектеу қойған. Оларды дамыған елдердің қатарына жатқызу қиын. Есесіне, олар сөз бостандығы бойынша аутсайдарлер қатарында. Депутаттардың біздің елімізді неге олардың қатарында көргісі келетіні қызық?», - делінген мәлімдемеде.

Қыркүйектің 15-і күні парламент мәжілісі әлеуметтік желі мен мессенджерлерге байланысты заң жобасын мақұлдаған. Онда шетелдік әлеуметтік желі иелергі ел аумағында жұмыс істеуі үшін Қазақстанда тіркеліп, бөлімшесін ашуы тиіс. Заң жобасын ұсынған депутаттардың сөзінше, бұл балаларды ғаламтордағы зорлық-зомбылық пен кибербулингтен қорғайды. Журналистер мен азаматтық қоғам өкілдері депутаттардың бұл уәжімен келіспейді. Олар бұл сөз бостандығын кезекті рет тұншықтыру деп есептейді.

Фото: 123ru.net

Байланысты жаналықтар

USAID жабылды. Америка грантынан айырылған ұйымдар не істейді?

07.02.2025

Қыз алып қашқандар 5 жылға дейін сотталуы мүмкін

05.02.2025

«Балық басынан шіріп жатыр». Депутат Дайрабаев Бектеновке сауал жолдады

05.02.2025

Астанада ел спортшыларын IX қысқы Азия ойындарына салтанатты түрде шығарып салды

30.01.2025

СІМ 369 қазақстандықтың АҚШ-тан депортацияланатынын растамады

30.01.2025

АҚШ 369 қазақстандықты депортациялайтынын жариялады

30.01.2025
MalimBlocks
USAID жабылды. Америка грантынан айырылған ұйымдар не істейді?

Қыз алып қашқандар 5 жылға дейін сотталуы мүмкін

Сонымен қатар, айыппұл салынып, қоғамдық жұмысқа тартылады

«Балық басынан шіріп жатыр». Депутат Дайрабаев Бектеновке сауал жолдады

Астанада ел спортшыларын IX қысқы Азия ойындарына салтанатты түрде шығарып салды

Құрама сапында 137 спортшы бар

СІМ 369 қазақстандықтың АҚШ-тан депортацияланатынын растамады

АҚШ 369 қазақстандықты депортациялайтынын жариялады

Ал бұрынғы КСРО елдеріне небәрі 337 азаматы қайтарылады