Алдағы сенбіде, 2025 жылғы 8 қарашада Қазақстанға тағы да ауа райы бұзылып, кейбір өңірде қолайсыздық тудырады, деп хабарлайды Malim.kz.
Атлантикалық циклонның және онымен байланысты атмосфералық фронтальды бөліктердің жылжуынан Қазақстанның солтүстігінде, солтүстік-батысында, шығысында, орталығында жаңбыр мен қар түрінде жауын-шашын, көктайғақ болады, жаяу бұрқасын жүреді деп күтіледі... Республикамыздың басым бөлігінде жел екпін алып, батыста, солтүстік-батыста, солтүстікте, оңтүстікте тұман түсу ықтималдылығы жоғарлайды, - деп хабарлады "Қазгидромет".
Синоптиктердің мәліметінше, антициклон әсерінен жауын-шашынсыз ауа райы Қазақстанның тек батысы мен оңтүстігінде ғана болжанады.
