Қазақстандық танымал әнші Қайрат Нұртас 2025 жылы кенже ұлы Ханға су жаңа көлік сыйлап, көпшілікті таңғалдырған еді. Әлеуметтік желіде тараған видеодан кейін көпшілік әншінің баласына қандай көлік әпергенін және оның бағасы қанша екенін іздей бастады. Malim.kz тілшісі Қайрат Нұртастың ұлына сыйлаған көлігі туралы ашық деректерді жинақтады.
Қайрат Нұртас ұлына қандай көлік сыйлады?
Қайрат Нұртас 2025 жылдың қыркүйегінде ұлы Ханға Hyundai Palisade көлігін сыйлаған. Отбасындағы қуанышты сәтті әншінің анасы, продюсер Гүлзира Айдарбекова әлеуметтік желіде жариялады.
Ол немересінің жаңа көлікке ие болғанын айтып, баланы енді жеке жүргізуші таситынын жеткізген.
Әлеуметтік желіде тараған кадрларда Ханға туыстарының жаңа көлікке көрімдік бергені де көрсетілген.
Hyundai Palisade қанша тұрады?
Қайрат Нұртастың ұлына сыйлаған Hyundai Palisade көлігінің бағасы сол кезеңдегі деректерде 35-40 млн теңге шамасында көрсетілген.
Ал 2025 жылы Қазақстанға шыққан жаңа буындағы Hyundai Palisade-тың базалық бағасы 33 890 000 теңгеден басталған.
Яғни нақты комплектациясына қарай Қайрат Нұртас сыйлаған көліктің құны 34 млн теңгеден асып, 40 млн теңгеге дейін жетуі мүмкін.
Hyundai Palisade несімен ерекшеленеді?
Hyundai Palisade – үлкен отбасыларға арналған толық өлшемді кроссоверлердің бірі. Модель кең салонымен, бірнеше қатарлы орындықтарымен және заманауи қауіпсіздік жүйелерімен ерекшеленеді.
2025 жылы Қазақстанда жаңа буындағы Palisade сатылымға шықты. Оның бағасының 30 млн теңгеден жоғары болуы модельдің премиумға жақын ірі кроссовер сегментінде орналасқанын көрсетеді.
