Фото: rus.lsm.lv
Халықаралық «Дрондар коалициясы» қаңтардан бастап Украинаға дрондарды жеткізуді айтарлықтай арттырады. Бұл туралы Ұлыбритания қорғаныс министрінің орынбасары мәлімдеді, деп хабарлайды ВВС агенттігі.
«Мен қаңтарда «жылдамдықты үдету» айтарлықтай жүзеге асатынын растай аламын: біз ондаған мың дронды теңіз коалициясы және дрондар коалициясы арқылы жеткізуді бастаймыз, бұл коалицияны Ұлыбританияның Біріккен королдігі біздің норвегиялық және латвиялық серіктестерімізбен бірге басқарады», – деді Палатадағы Украинаға көмек көрсету жөніндегі есеп кезінде Қорғаныс министрінің Қарулы күштер жөніндегі орынбасары Люк Поллард.
Биылғы жылдың ақпанында сол кездегі НАТО-ның Бас хатшысы Йенс Столтенберг Украина одақтастары жыл соңына дейін елге миллион дрон жеткізуді жоспарлап отырғанын хабарлаған болатын. Алайда, бүгінге дейін «Дрондар коалициясы» елдері тарапынан бірнеше мың ғана дрон жеткізілгені немесе тапсырыс беру туралы мәліметтер жарияланды.
Украина Қорғаныс министрлігі бірнеше күн бұрын осы жылы әскерге 1,2 миллион дрон жеткізгенін, оның ішінде 1,1 миллион FPV дрондары (камикадзе дрондары) бар екенін хабарлады.
«Дрондар коалициясына» Украинамен бірге 16 мемлекет кіреді: 13-і НАТО елдері, сондай-ақ Канада, Австралия және Жаңа Зеландия бар.
