Ғани Бейсембаев Оқу-ағарту министрі болды
Аймағамбетов аталмыш министрлікті 4 жылға жуық уақыт тізгіндеген
Президент Жарлығымен Ғани Бектайұлы Бейсембаев Оқу-ағарту министрі лауазымына тағайындалды. Бұл туралы Ақорданың ресми сайты хабарлады. Ал бұған дейін ведомствоны басқарған Асхат Аймағамбетов орнынан босады. Аймағамбетов аталмыш министрлікті 4 жылға жуық уақыт тізгіндеген. Атап айтқанда, 3 жыл Білім және ғылым министрлігінде болса, жаңадан құрылған Оқу-ағарту министрлігінде 7 айдай қызмет еткен.
Ал су жаңа министр Ғани Бейсембаев 1969 жылы Қызылорда облысында дүниеге келген.
Абай атындағы Алматы мемлекеттік университетін бітірген.
Еңбек жолын 1986 жылы Шиелі аудандық мәдениет бөлімінің автоклуб меңгерушісі қызметінен бастаған.
1989-1990 жылдары — қазақ тілі мұғалімі.
1990-1995 жылдары — орта мектепте директордың оқу-тәрбие ісі жөніндегі орынбасары.
1995-1997 жылдары — орта мектеп директоры.
1997-2000 жылдары — ҚР БҒМ Алтынсарин атындағы Қазақ білім академиясы президентінің ғылыми хатшысы, кеңесшісі.
2000-2001 жылдары — Қапшағай қаласы білім бөлімінің басшысы.
2001-2006 жылдары — қосымша білім беру орталығының директоры.
2006-2020 жылдары — халықаралық білім беру орталығының бас директоры.
2006-2007 жылдары — техникалық-экономикалық колледж директоры.
2020 жылы ҚР БҒМ «Оқулық» республикалық ғылыми-практикалық орталығының директоры болды.
2020-2022 жылдары ҚР БҒМ Алтынсарин атындағы ұлттық білім академиясының президенті болды.
