«Кертаев күдікке ілінді»: «Хабар» агенттігінің жағдайы «хабардағыдай» емес

Чиновник телеграмм арнасының  хабарлауынша, «Хабар» Агенттігі» АҚ-не қатысты Есеп комитеті тексеру жүргізуіне байланысты іс қозғалып жатыр.

Бұл жайт мемлекеттік аудиторлар және қаржылық құқық қорғау органдарының назарын аударған. Деректерге сәйкес, бюджет қаражатын жымқыру 500 миллион теңгеге жетіп, 1,5 миллиард теңге қаржыға байланысты заң бұзушылық фактілері анықталған.

Құқық қорғау органдары қызметкерлері «Хабар» агенттігі басқарма төрағасының бұрынғы бірінші орынбасары, қазір «Аманат» партиясының хатшысы Ринат Кертаевқа қатысты аутсорсингтік компаниялар мен жеке кәсіпкерлер түскені сондай-ақ, тергеушілерде деректі фильмдер мен телебағдарламалар сериясын жасаудағы махинацияларға қатысты сұрақтар бар екені хабарланды.

«Кертаев «Хабар» агенттігінде көп жылдар бойы Дариға Назарбаеваның мүддесіне жұмыс істегендердің бірі болғаны белгілі. Бұрын ол «Дулат» руынан шыққанымен, беделді адамның туысы ретінде өзін «Шапыраштымын» деп келгенін жазады «Чиновник» телеграмм арнасы.

Дереккөздердің айтуынша, қазіргі уақытта Кертаев күдіктілердің тізімінде. Алайда келтірілген залалдың көлемі, күдіктілердің ауқымы әлі анықталған жоқ. Бұл жағдайдан кейін Кертаевтың мәртебесі өзгеруі мүмкін.

Сонымен бірге «Хабар» телеарнасында қызметкерлердің төмен жалақы алуына байланысты өршіп тұрған жанжал қоғамда резонанс тудырды. Осыған орай қылмыстық істің қаралуын жылдамдатуы мүмкін дейді.

Мәселенің анық-қанығын білу үшін қазіргі «Аманат» партиясының хатшысы Ринат Кертаевқа бірнеше рет телефон соғып едік, телефон тұтқасын көтермеді.

Фото: коллаж Б.Беков