"Коронавирусты жеңдік" деп мәлімдеген Қытай бүгін Қазақстанға алғашқы гуманитарлық көмекті жөнелтті. Алматы әуежайына жеткізілген гуманитарлық көмектің ішінде тепловизор, тест жиынтығы, медициналық бахила, қолғап, көзілдіріктер және медициналық киім бар.
Президент Қасым-Жомарт Тоқаев пен Қытай басшысы Си Цзиньпинмен жақында телефон арқылы сөйлесіп, Қытай Қазақстанға гуманитарлық көмек береді деген келісімге келген.
Жақын арада Қытайдан медициналық қорғаныс құралдарының тағы да келуі күтілуде.
Ал бүгін таңертең денсаулық сақтау министрлігі тағы 16 адамнан коронавирус табылғанын хабарлады. Бас қалада – 7, Атрау облысында – 2, Қарағанды облысында – 6, Солтүстік қазақстан облысында бір адамға вирус жұққан. Сөйтіп, елде коронавирус анықталғандардың саны 402-ге жетті. Коронавирустан 26 адам айығып, 3 адам қаза тапты.
Оқи отырыңыздар: Біртановтың пропагандасы қанша тұрады?
COVID-19 дерті алғаш рет желтоқсан айының аяғында Қытайдың Ухань қаласынан шыққан еді. Бүгінде әлемде вирус жұқтырғандар миллион адамға жуықтады.47 мыңнан астам адам көз жұмып, 193 мың адам айыққан. Вирус жұқтырғандар саны бойынша Қытайды басып озған Италияда коронавирус 110 мың адамнан анықталды.
Байланысты жаналықтар
MalimBlocks
Е.Досаевтың Қ.Тоқаевқа айтқан қауіпсіз жерлерін алматылықтар білмейді
Алматы қаласының әкімі Ерболат Досаев президент Қасым-Жомарт Тоқаевтың қабылдауында болып, жұмысына есеп берді. Атқарылған жұмыстардың ішінде ол «Алматыда төтенше жағдай кезінде көпшілік жиналатын 545 қауіпсіз орын бар» деп мәлімдепті.