Саяси тұтқындарға бостандық сұраған жаңаөзендіктерге 10 тәулікке қамалды. Олар Жаңаөзеннің орталық алаңына шығып ақын-диссидент Арон АТАБЕК, қоғамдық белсенділер Макс БОҚАЕВ пен Ержан ЕЛШІБАЕВТЫ босатуды талап еткен.
«Кеше ондар шамасында жолдасым жолда кетіп бара жатқанда Омон ұстаған. Бейне бір қылмыскерді ұстағандай ұстаған ғой. Құрық ауданына алып кетті. Бірге пикетке шыққан Мұрат Жұмағалиевті Форт-Шевченкоға, Ғазиз деген азаматты Ақтаудың түрмесіне қамады. Оларды неге бөліп-бөліп әрбір жерге қамағанын түсіне алмай отырмыз. Оларға карантин кезінде топтасқандары және жергілікті билік өкілдеріне ескертпей заңсыз митингіге шықты деп айыптады», - дейді жолдасы 10 тәулікке қамалған Гүлжамал НҰРҒАЛИЕВА МӘЛІМ КЗ сайтының тілшісіне.
Гүлжамалдың жолдасы Нұрлыбек НҰРҒАЛИЕВ 2011 жылы Жаңаөзенде алты ай ереуілде тұрған мұнайшылардың бірі. Сол кезде тамағына оқ тиген болатын.
Жаңаөзендіктер жерлестері Ержан Елшібаевқа түрмеде қысып көрсетіп жатқанын да мәлімдеген еді. Ержан 2019 жылдың басында Жаңаөзенде өткен наразылық акциялардың ортасында жүрді. Өңірдегі жұмыссыздықты айтып, халыққа еңбекақысы жақсы жұмыс орындарын ашуды талап еткен.
«Ол азаматтар түрмеде жазықсыз жатқан жандарға араша түскендері үшін қамалып отыр. Біз қазір оларға адвокат іздестіріп жатырмыз. Және отбасыларына қолдау білдіріп жатырмыз», - дейді «Қазақстан демократиялық партия» бастамашыл тобының жетекшісі Жанболат МАМАЙ.
Фото: facebook.com
МАТЕРИАЛДЫ КӨШІРІП БАСУҒА БОЛМАЙДЫ.
Байланысты жаналықтар
MalimBlocks
Тоқаев заңға қол қойды: шетелдік легионерлерге қаржы бөлінбейді
Мемлекет басшысы «Қазақстан Республикасының кейбір заңнамалық актілеріне дене шынықтыру және спорт, сондай-ақ артық заңнамалық регламенттеуді болғызбау мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды
