Әр нәрсенің өз құны бар. Журналист Роман ПРОТАСЕВИЧТІ тұтқындағаннан кейін Беларусь оның геосаяси салдарын тартады. Бұндай пікірді Грузияның экс-президенті Михаил СААКАШВИЛИ білдірді.
Украина Ұлттық реформа кеңесі атқарушы комитетінің басшысы Саакашвили Александр ЛУКАШЕНКОНЫҢ екі-ақ таңдауы бары дейді. Біріншісі – Ресей Федерациясының құрамына кіру. Екіншісі болса биліктен айрылу.
«Ұшақты күштеп Минскіге қондыру дегеніңіз бұл терроризм. Еуропа қазір барлық бағыттағы рейстерді тоқтатуда. Ал ресми Минск шетелдік дипломаттарды қуып жатыр. Бұл қарапайым халыққа әсер етеді. Осылайша Лукашенко өзін-өзі тығырыққа тіреді. Енді Путиннің дәргейіне бас ұру қалды. Немесе билікпен қоштасуы керек. Мемлекеттің жасаған террорынан адамдар емін-еркін жүруден қалды», - деді саясаткер Саакашвили.
Естеріңізге сала кетейік, 23 мамырда Ryanair әуе компаниясының Грекиядан Литваға бара жатқан ұшағы Минскіге қонуға мәжбүр болған. Ресми Минск әскери ұшақпен Ryanair-дың самолетының бағытын өзгерткен. Осылайша FR497 рейісте бомба болуы мүмкін деп NEXTA Live Telegram арнасының негізін қалаушылардың бірі, журналист Роман ПРОТАСЕВИЧТІ тұтқындады. Журналист президенттік сайлаудан кейінгі жаппай митингілерден ақпарат таратып, үйлестіру жұмысымен де айналысқан. Шетелдік ақпарат құралдарының хабарлауынша, жолаушылар ұшағын қондыру туралы бұйрықты президент Александр ЛУКАШЕНКОНЫҢ өзі берген.
Фото: sputnik-georgia.ru
Байланысты жаналықтар
MalimBlocks
Тоқаев заңға қол қойды: шетелдік легионерлерге қаржы бөлінбейді
Мемлекет басшысы «Қазақстан Республикасының кейбір заңнамалық актілеріне дене шынықтыру және спорт, сондай-ақ артық заңнамалық регламенттеуді болғызбау мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды
