Мәжіліс Елбасы статусын қайта қарау үшін референдум өткізуге келісім берді
Қазақстан мәжіліс депутаттары референдум туралы заңға өзгеріс енгізу туралы сенат ұсыныстарымен келісті. Нақтырақ айтқанда, Елбасы статусын республикалық референдум арқылы шешуге рұқсат берді.
Сенат мәжіліске жіберген ұсыныс қатарында Қазақстанның тұңғыш президенті Нұрсұлтан Назарбаевтың конституцияда көрсетілген статусын өзгертуге қатысты республикалық референдум өткізу де бар. Мәжіліс референдумға келісім берді. Енді президент келісім берген жағдайда республикалық референдумда Елбасы мәртебесі қайта қаралатын болады.
Айта кетейік қазіргі заңның 3-тармағына сәйкес
- Қазақстан Республикасының тәуелсіз мемлекет ретінде қалыптасуы, шекара тұтастығы мен еркіндігі;
- басқару формасы
- Республиканың негізгі құндылықтарын бекіткен Тәуелсіз Қазақстанның негізін қалаушы – Тұңғыш президент – Елбасы туралы және оның статусына қатысты заң референдумда қаралмауы керек.
Осы үшінші тармақты референдумға жіберу үшін парламент пен президенттің рұқсатын алу керек. Сол кезде ғана Назарбаевтың статусына қатысты заңды Қазақстан азаматтары өзгерте алады.
Байланысты жаналықтар
MalimBlocks
