Нұрлан Ноғаев Маңғыстауға алғашқы шенеунікті Оралдан әкелді 

  • 27.10.2021

Маңғыстау облысына Нұрлан Ноғаев әкім болып келгелі алғаш рет жауапты қызметке тағайындау жасады деп хабарлайды malim.kz. Бұл жолы өңірдегі басынан дау арылмаған ауыл шаруашылығы басқармасына жаңа басшы болып Қазбек Тәшімов тағайындалды. 
Қ.Тәшімовтің малдәрігерлік санитария мамандығынан бөлек құқықтанушы деген дипломы бар. Жиырма жылдық еңбек өтілінің 14 жылын ауыл шаруашылығы мен ветеринария саласына арнаған маман. 
Әкім болып тағайындала салысымен кадрларды қозғау туралы мәселе болғанда Нұрлан Асқарұлы басқа өңірден маман әкелуден шошудың қажеті жоқтығын жергілікті ақсақалдарға айтқанын ел көзбен көріп, құлақпен естіді. Енді міне, сол қажеттілікке алғашқы болып Қазбек Тәшімов Оралдан қызмет ауыстырып келіп отыр. Бұған дейін ол Батыс Қазақстан облысының ветеринария басқармасы басшысының орынбасары қызметін атқарған. 
Биыл Маңғыстау малшылары көрешекті қуаңшылықтан көрді. Жаңбыр жаумаудың салдары шөпке әсер етті. Шөптің шықпауы ауыл шаруашылығы басқармасын әбден әбігерге салды. Тіпті, мәселе Үкіметке дейін жетіп, өзге өңірлер Маңғыстауда вагон-вагон шөп жөнелтіп жатты. 
Таяуда ғана Нұрлан Ноғаевпен кездесуде жергілікті белсендінің бірі “ауыл шаруашылығына басқа өңірден басшы әкеліңіз” деп бұйымтай айтқан болатын(видеосы төменде). “Ең артта қалған ауыл шаруашылығы басқармасы ол Маңғыстау облысында. Осы салада басшыларды басқа облыстарға жіберіп, тәжірибе алмастыру керек. Басқармаға басқа өңірден басшы әкеліңіз. Көрейік, бізге үйретсін” деп айтып еді. Міне, нәтиже де көп күттірмеді. Ноғаев Батыс Қазақстаннан Тәшімовті Маңғыстауға алып келді.  
Алда Қазбек Тәшімовты талай жауапты жұмыстар күтіп тұр. Жаз бойы жерден шөп таппаған Маңғыстау малының жайын реттеу қыста оңай болмасы анық. Оны Ноғаев сенім артқан Тәшімов қаншалықты ақтайтының сол уақытта көретін боламыз! Әзірге білек сыбанып келген басқарманың жаңа басшысына іске сәт дегеннен басқа айтарымыз жоқ!

 

Байланысты жаналықтар

Жаңаөзенде «саяси лагерь» ұйымдастырмақшы

18.10.2021

Қуаңшылықтан титықтаған шаруалар: «Жаңа әкімнің түрін көрмедік»

20.09.2021

Маңғыстауға Қостанайдан 250 тонна шөп, 180 тонна жем тегін жеткізіледі

21.09.2021

Ұсталған шенеунік: Ноғаевпен сыйыспадым

22.09.2020

Нұрлан Ноғаев жаңа орынбасарын Атыраудан әкелді

12.11.2021

Ноғаевтың бір орынбасары қызметінен кетті

10.11.2021
MalimBlocks
Жаңаөзенде «саяси лагерь» ұйымдастырмақшы

Қуаңшылықтан титықтаған шаруалар: «Жаңа әкімнің түрін көрмедік»

Маңғыстауға Қостанайдан 250 тонна шөп, 180 тонна жем тегін жеткізіледі

Ұсталған шенеунік: Ноғаевпен сыйыспадым

Нұрлан Ноғаев жаңа орынбасарын Атыраудан әкелді

Ноғаевтың бір орынбасары қызметінен кетті