ҰҚК экс-төрағасы, зейнеткер Нұртай Әбіқаев «Отандастар қоры» КЕАҚ-ның президентік қызметінен кетті. Бұл ақпаратты аталған қордың баспасөз қызметкері Нұрымжан Жұмағазиев растады.
Оның мәліметінше, ҚР Премьер-Министрінің орынбасары – Сыртқы істер министрі Мұхтар Тілеубердінің бұйрығымен «Отандастар қоры» КЕАҚ президенті лауазымына Абзал Сапарбекұлы тағайындалды.
А. Сапарбекұлы жаңа лауазымға тағайындалғанға дейін 2017 жыл мен 2022 жыл аралығында Қазақстанның Түркиядағы Төтенше және өкілетті Елшісі болды. Сонымен қатар, бұдан бұрын Түркі мемлекеттер ұйымының жобалар директоры және Түркі кеңесі Бас хатшысының орынбасары қызметтерін атқарды. А.Сапарбекұлы 2000 жылдан бастап ҚР Сыртқы істер министрлігінде қызмет етіп келе жатқан кәсіби дипломат.
ҚР Премьер-Министрінің орынбасары М.Тілеуберді Қор басшылығы мен ұжымы алдында ұйым қызметінің негізгі міндеттері мен мақсаттарына баса назар аударып, «Біз қандастарымызға жан-жақты көмек пен қолдау көрсетіп, шетелдегі қазақ диаспорасының әлеуметтік-экономикалық, мәдени және білім беру қажеттіліктерін толтыру үшін белсенді жұмыс істеуіміз қажет», – деді.
Қазіргі таңда «Отандастар қорының» басты міндеттерінің бірі – шетелдерде тұратын отандастар мен этникалық қазақтардың тарихи отанымен мәдени-гуманитарлық байланысын арттыру.
Нұртай Әбіқаев басқарып тұрған кезде «Отандастар қоры» шетелдегі қандастарға арналған бірегей «қазақ» картасын ашамыз деп уәде берген болатын. Айлайда кейін карта да, президенттің өзі де көрінбей кетті.
Байланысты жаналықтар
MalimBlocks
