Президент Қасым-Жомарт Тоқаев алдағы 5 жылда атқаратын жұмыстарға тоқталды
Ұлттық жобалар уақтылы және сапалы жүзеге асырылуға тиіс
Мемлекет басшысы Қасым-Жомарт Кемелұлы Тоқаев VIII сайланған Қазақстан Республикасы Парламентінің бірінші сессиясының ашылуында сөз сөйледі.
Президент:
«Жалпы, алдағы бесжылдық шағын және орта бизнесті қолдауға арналуы керек. Ұлттық жобалар уақтылы және сапалы жүзеге асырылуға тиіс. Бюджеттің әрбір тиыны тиімді жұмсалуы керек. Осының бәріне парламенттік бақылау жасау айрықша маңызды.
Әсіресе, сайлауда жеңіске жеткен «Amanat» партиясы осы жұмысқа белсене атсалысады деп сенемін. Партияның тәжірибесі мол, қоғам тарапынан жан-жақты қолдау бар. Сондықтан, «Amanat» партиясы алдағы өзгерістердің бел ортасында болады деп үміттенемін» деп атап өтті.
- Алдағы бес жылда шағын және орта бизнестің дамуына басымдық беріледі. Бүгінгі таңда ІЖӨ-дегі шағын және орта бизнестің үлесі 36%-дың үстінде. Негізгі мақсат өркениетті елдердегідей 50-60% межеге жету.
- 2023 жылы 45 аудан мен облыстық маңызы бар қала әкімдерінің сайлауы өтеді.
- Мүмкіндігі шектеулі азаматтардың жәрдемақысы қыркүйек айынан бастап 14,5%-ға өседі.
- «Ауыл аманаты» жобасы аясында 5-7 жыл мерзімге 2,5% несиелер беріле бастайды.
- Су ресурстарын тиімді басқаруға назар аударылады.
- Ауылды аймақта 600-ден астам денсаулық сақтау нысандары салынатын болады.
P.S. Мемлекетіміз өз дамуының жаңа кезеңіне қадам басып отыр. Алға қойған мақсатымыз айқын. Ол - дамыған, өркениетті, әділетті Қазақстанды халқымызбен бірге құру.
Бауыржан Серікбаев, сарапшы
Байланысты жаналықтар
MalimBlocks
