«Путин мен Тоқаевтың үнсіздігін түсінбедім»

Malim Админ

  • 19.08.2020

Минскіде бастау алған шерулер Киевтегі Майданның жалғасы. Беларусь Республикасындағы митингілерді АҚШ пен Батыс елдері ұйымдастырып отыр. Бұндай пікірді мәжіліс депутаты, Қазақстан коммунистік халықтық партиясының өкілі Владислав КОСЫРЕВ білдірді.

«Беларусь елінде болып жатқан митингілер Киевтегі 2013 жылғы Майданның жалғасы. Социализмнің аралына айналған Беларусь Республикасы АҚШ пен Батыстың тамағындағы сүйек қой. Минскіде бастау алған оқиғаларға Батыс елдері мен АҚШ араласып отыр. Александр Лукашенко мемлекетін сақтап қалу үшін барын салып жатыр. Бірақ қолынан көп нәрсе келер емес. Польша, Укранина, Балтық елдерінің идеологиясы  күшті боп тұр», -деді мәжіліс депутаты МӘЛІМ КЗ сайтының тілшісіне.  

Беларусь елінде 9-тамыз президенттік сайлаудан кейін жаппай митингілер басталды. Орталық сайлау комиссиясының хабарлауынша 26 жыл президенттік тақта отырған Александр ЛУКАШЕНКО 80,01 пайызға ие болса, оппозиция атынан түскен Светлана ТИХАНОВСКАЯ 10,09 пайыз ғана дауыс жинаған. Бұған келіспеген халық жаппай көшелерге шыға бастады. Бұндай шерулер тәуелсіз Беларусь тарихында болған емес. Өткен жексенбіде Минскідегі орталық алаға 200 мыңнан аса адам шықты деген ақпарат бар. Қазір 4 мыңнан аса адам түрмеге қамалып, күштік құрылымдар тарапынан ұрып-соғу фактілері анықталған. Құқық қорғаушылар адам өлімдерінің де болғанын мәлімдеген.

«Беларусьта коммунисттер бар. Және олар үлкен күшке ие. Неге тыныш отырғандарын білмеймін. Біз Қазақстан коммунистік халықтық партиясы президенттік сайлаудан кейін басталған шерулерді талқылап жатырмыз. Совет одағы ыдыраған кезде оның қорғап қалатын күш бар еді. Бірақ қашан да агрессия басым келеді. Шындықты қорғаушылар әлсіз келетіні бар. Біз Евразиялық одақтың құрамындағы елміз ғой. Лукашенконы қолдауымыз керек.  Ресей президенті Путин мен Қазақстан басшысы Тоқаевтың үнсіздігін түсінбеймін», - деді Владислав Косырев.

Айтпақшы, 2020 жылдың 16 тамыз күні Александр Лукашенко Ресей басшысы Владимир ПУТИНМЕН телефон арқылы сөйлескен. Артынша, Кремь ру сайтында ресми Мәскеу Ұжымдық қауіпсіздік келісім-шарты ұйымындағы (ОДКБ) келісімдерге сәйкес Минскіге көмектесуге дайын екені хабарланды.

Бұған қатысты қазақстандық коммунист Косырев ресей әскерін Беларусь жеріне жеткізбей мәселені шешу керек дейді.

Фото: today.kz

Байланысты жаналықтар

Ресейдегі теракт: Тергеу комитеті "террористердің Украинамен байланысы барына айғақ табылғанын" айтты

29.03.2024

Елшілік Қазақстан азаматтарына Украинаның Одесса және Харьков облыстарынан кетуді ұсынды

29.03.2024

Си Цзиньпин шілдеде Қазақстанға келеді

28.03.2024

Оралов Президент әкімшілігіне оралды

28.03.2024

Мәскеудегі теракті салдарынан қаза тапқандар саны 143 адамға жетті 

28.03.2024

Тоқаев: Қытайдың салған инвестициясының тең жартысы Қазақстанның үлесіне тиесілі

28.03.2024
MalimBlocks
Ресейдегі теракт: Тергеу комитеті "террористердің Украинамен байланысы барына айғақ табылғанын" айтты

Ресейдің Тергеу комитеті Мәскеудегі "Крокус Сити Холл" ғимаратында теракт жасағандардың "Украиналық ұлтшылдармен байланысы барына айғақ табылды" деген мәлімдеме жасады. Олар мұндай ақпаратты лаңкестікке қатысы бар тағы бір күдіктіні ұстағаннан кейін таратқан, деп хабарлайды Malim.kz.

Елшілік Қазақстан азаматтарына Украинаның Одесса және Харьков облыстарынан кетуді ұсынды

Қазақстан Республикасының Украинадағы елшілігі Одесса және Харьков облыстарындағы жағдайдың өзгеруіне және ахуалдың нашарлауына байланысты Қазақстан азаматтарына аталған аймақтардан кетуін ұсынды, деп хабарлайды Malim.kz.

Си Цзиньпин шілдеде Қазақстанға келеді

Бұл туралы Тоқаевтың Бүкілқытайлық халық өкілдері жиналысы Тұрақты комитетінің төрағасы Чжао Лэцзимен кездесуінде белгілі болды, деп хабарлайды Malim.kz.

Оралов Президент әкімшілігіне оралды

Бұрынғы Мәдениет және спорт министрі Асхат Оралов Президент Әкімшілігінің мемлекеттік инспекторы болып тағайындалды, деп хабарлайды Malim.kz.

Мәскеудегі теракті салдарынан қаза тапқандар саны 143 адамға жетті 

Ресей Төтенше жағдайлар министрлігі «Крокус Сити Холлға» жасалған шабуылда және одан кейін қаза тапқандардың тізімін жаңартты. 27-наурыз түнде таратылған мәліметке сәйкес, қаза тапқандар саны 143 адам болған.

Тоқаев: Қытайдың салған инвестициясының тең жартысы Қазақстанның үлесіне тиесілі

Президент Қасым-Жомарт Тоқаев Боао Азия форумының ХХІІІ сессиясына қатысу үшін Халықаралық конференциялар орталығына барды, деп хабарлайды Malim.kz.