Саяси тұтқын Алмат Жұмағұловтың үстінен тағы бір қылмыстық іс қозғалды. Бұл жөнінде ол түрмеден Адам құқықтарын қорғау бюросына жазған хатында мәлімдеді.
Алмат Жұмағұлов сөзінше, оны түнгі сағат 23:30-да штабқа апарып, прокурордың қатысуынсыз Айжан есімді тергеуші үстінен қылмыстық іс қозғағанын айтқан.
«Кеше түнде 23:00-де мойор Жандос пен ұлттық ұланның екі қызметкері ұйықтап жатқан жерімен оятып, прокурор мен тергеуші келіп тұр деп, штабқа алып кетті. Себебін сұрағанда өздері түсіндіріп айтады деді. Штабқа барғанымда бөлмеде прокурор болмады, тек Айжан есімді тергеуші мен жедел бөлім қызметкері болды. Не болып қалды деп сұрап едім, менің үстімен ҚРҚК 102 бабы 1-бөлігімен қылмыстық іс қозғалып жатқанын айтты», - дейді Жұмағұлов хатында.
Жұмағұлов өзіне тағылған айыппен келіспейді. Ол бұның барлығын түрме әкімшілігі арнайы органдардың тапсырмасы бойынша жасалып жатқанын айтады. Оның айтуынша, осы арқылы сот алдында оған арандату жасалып жатыр.
«Бұл оқиғаның барлығы менің сотымның алдындағы арандатушылық іс-әрекеттер. Себебі менде бар 5 марапат пен 3 дәрежедегі оң мінез-құлықты жойып, СУС-қа қамау. Соттан өткізбеудің амалы», - дейді Жұмағұлов.
"Жиһадшылар ісі" бойынша жауапқа тартылған Алмат Жұмағұлов 2018 жылғы желтоқсанда Алматы қаласы Алмалы ауданы сотының үкімімен сегіз жылға сотталған. Ол "терроризмді насихаттады", "ұлтаралық араздық қоздырды" деп айыпталған.
Құқық қорғаушылар белсенді Алмат Жұмағұловтың саяси көзқарасына байланысты қудаланып отырғанын айтады. Еуропарламент 2021 жылдың ақпан айындағы қарарында Нұр-Сұлтанды "саяси тұтқындарды" босатуды, оның ішінде Алмат Жұмағұловты да бостандыққа шығаруға шақырған.
Байланысты жаналықтар
MalimBlocks
Тоқаев заңға қол қойды: шетелдік легионерлерге қаржы бөлінбейді
Мемлекет басшысы «Қазақстан Республикасының кейбір заңнамалық актілеріне дене шынықтыру және спорт, сондай-ақ артық заңнамалық регламенттеуді болғызбау мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды
