Қамауға алынған Ноғаевтың орынбасары жұмысына қайта кірісті
Жыл басында қамауға алынған Маңғыстау облысы әкімінің орынбасары Ғалымжан Ниязов жұмысқа шықты.
Бұл туралы облыстық әкімдіктің баспасөз қызметі хабарлады. Хабарламада оның өз қызметіне 24 мамырда кіріскені туралы айтылған.
"Ақтау қаласының мамандандырылған тергеу сотының 17 сәуірдегі, 24 сәуірдегі, 17 мамырдағы заңдық күшіне енген қаулысына сәйкес, Ғалымжан Низяов қызметіне 24 мамырда кіріседі", - делінген хабарламада.
Әкімдік хабарлауынша, оның бұдан әрі қызмет атқаруы сот шешіміне байланысты болады.
Ғалымжан Ниязов лауазымдық өкілеттілігін асыра пайдаланды деген күдікке іліккен. Сот шешімімен ол ақпанда екі айға қамауға алынған еді.
24 қаңтарда Ниязовтың қамауға алынғаны жайлы ақпар тараған болатын. Кейінірек бұл ақпарды 4 ақпан күні Қаржылық мониторинг агенттігі растаған еді. Шенеунік қызметін асыра пайдаланды деген айыппен екі айға қамауға алынды. 17 ақпан күні Ниязов “үй қамағына” ауыстырылған болатын.
Айта кетейік, 2019 жылдың мамырында Президент Қасым-Жомарт Тоқаев жемқорлыққа қарсы іс-қимыл мәселелеріне арналған жиында жемқорлық бойынша қол астындағы қызметкерлердің қылмыстық әрекеті үшін бірінші басшының жауапты болатынын, ал қараша айында бұл норма заңға енгізілді. Тоқаев заңы бойынша, орынбасар Ниязовтың қылмысы дәлелденсе, басшы орнынан кетеді. Әзірге облыс әкімі Нұрлан Ноғаев қызметтен кетпейтін болды.
Қазақстандағы жаңа ұлт: орыстілді қазақ пен қазақтың арасы алшақтап бара ма?
Ең көп оқылған
