Жыл басынан бері адам саудасына қатысты 76 қылмыс тіркелген. Бұл туралы ҚР ІІМ Ұйымдасқан қылмысқа қарсы күрес департаментінің бастығы Қанат Нұрмағамбетов мәлімдеді.
Бұл қылмыстардың ішінде 5-уі – жезөкшелікпен айналысқаны үшін, 9-ы кәмелетке толмағандарды сатқаны үшін, 7-уі кәмелетке толмағандарды жезөкшелікке тартқаны үшін, 14-і адам саудасы үшін және 41-і жезөкшелік ордасын ұйымдастырғаны үшін ұсталған.
Мысалы 11 адамнан тұратын қылмыстық топ ұсталды. Олар ұзақ уақыт бойы Шымкент, Тараз және Түркістанда жыныстық қанау мақсатында қыздарды, оның ішінде кәмелетке толмағандарды сатумен айналысқан.
«Тергеу барысында жас қыздардың Қазақстанның түрлі қалаларында «ВКонтакте» әлеуметтік желісі мен таныстары арқылы жұмысқа қабылданғаны анықталды. Оларға қолайлы еңбек жағдайы мен жалақысы жоғары жұмыс ұсынылған. Содан кейін алдау мен құжаттарды тартып алу жолымен жезөкшелікпен айналысуға мәжбүрлеген, кейіннен қаланың жалдамалы пәтерлерінде, сауналарында және қонақ үйлерінде одан әрі пайдалану үшін сауда және айырбастау жүргізілген, алынған табысты өздері алып отырған. Бағынбаған жағдайда зорлық-зомбылық, бопсалау, ойдан шығарылған айыппұлдар мен есірткі қолдануға мәжбүрлеген», - деді спикер ҚР ІІМ апталық брифингінде.
Байланысты жаналықтар
MalimBlocks
Тоқаев заңға қол қойды: шетелдік легионерлерге қаржы бөлінбейді
Мемлекет басшысы «Қазақстан Республикасының кейбір заңнамалық актілеріне дене шынықтыру және спорт, сондай-ақ артық заңнамалық регламенттеуді болғызбау мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды
