Ресейшіл депутат Әбілдаев «Ақ жол» партиясынан шығарылды
Әбілдаевтың депутаттық мандатын тоқтату туралы «Ақ жол» партиясы ОСК-ға хат жолдады
«Ақ жол» партиясы Ресейдің Украинаға басқыншылығын қолдаған депутат Азамат Әбілдаевтың мәселесін арнайы кеңесте қарады. Партия пленумымының шешімімен Әбілдаев партия құрамынан шығарылды. Бұл туралы "Ақ жолдың" баспасөз қызметі хабарлады.
Партия төрағасы Азат Перуашевтың төрағалығымен өткен жиында Мәжіліс депутаты А.Әбілдаевтың журналистке берген сұхбатында Украинадағы соғыс туралы айтқан сөздері сараланып, тиісті саяси баға берілді. Ұлттық кеңес мүшелері А.Әбілдаевтың сөздері «Ақ жол» партиясының позициясына қарама-қайшы және сонымен қатар партиялық және де депутаттық этиканы да бұзып тұрғанына назар аударды.
Партия президиумында «Ақжолдықтар» «Республикамыздың және басқа да дос мемлекеттердің тәуелсіздігі мен жер тұтастығын құрметтейді және қолдайды» деген ұстанымда екенін мәлімдеді.
Ұлттық кеңес шешімі бойынша А.Әбілдаевты «Ақ жол» демократиялық партиясынан шығару туралы шешім қабылданды. Осыған байланысты Әбілдаевтың депутаттық мандатын тоқтату туралы «Ақ жол» партиясы Орталық сайлау комиссиясына хат жолдады.
Байланысты жаналықтар
MalimBlocks
Тоқаев заңға қол қойды: шетелдік легионерлерге қаржы бөлінбейді
Мемлекет басшысы «Қазақстан Республикасының кейбір заңнамалық актілеріне дене шынықтыру және спорт, сондай-ақ артық заңнамалық регламенттеуді болғызбау мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды
