Грузия және Украинаның мемлекет қайраткері Михаил СААКАШВИЛИДІҢ қазақстандық делигацияларды қабылдауы Дархан КӘЛЕТАЕВПЕН аяқталды.
Украина Ұлттық реформалар кеңесінің атқару комитетінің басшысы Михаил Саакашвили Қазақстан Республикасының Украинадағы төтенше және өкілетті елшісі Дархан АМАНҰЛЫН қабылдады. Бұл туралы украиналық саясаткер facebook.com парақшасында жазды.
«Жұмыс кабинетімде Әзірбайжан мен Қазақстан елшілерін қабылдадым. Қазақстан елшісі Дархан Кәлетаев украина тіліне аударылған қазақ әдебиетінің классигі Абай ҚҰНАНБАЙҰЛЫНЫҢ кітабын сыйлады. Біз Украинаның екі елмен қарым-қатынасы сөз еттік. Біз постсоветтік аумақта реформалар бойынша жеке бюро құрамыз», - деп жазды Саакашвили.
Бұған дейін Михаил Саакашвили «Nur Otan» партиясының мүшесі, депутат Нұржан АЛЬТАЕВ бастаған делегацияны үйінде қабылдаған еді. Қазақстандық меймандар арасында президент Қасым-Жомарт ТОҚАЕВТЫҢ экс-кеңесшісі Олжас ҚҰДАЙБЕРГЕНОВ, Ұлттық қоғамдық сенім кеңесінің бұрынғы мүшелері Арман ШОРАЕВ, Бақытжан БҰҚАРБАЙ, «Nur Otan» партиясының тағы бір мүшесі, экс-депутат Бақыт СЫЗДЫҚОВА болған.
Оқи отырыңыздар: Саакашвили Қазақстанға «келе жатыр»
Депутат Нұржан Альтаев бастаған қазақстандықтарды «Nur Otan» партиясы төрағасының бірінші орынбасары болған, қазіргі елші Дархан Кәлетаев та қабылдады. Осы сапарға барғандардың бірі қоғам қайраткері Тоғжан ҚОЖАЛИЕВА Мәлім кз сайтының тілшісіне берген сұхбатында «Бұл сапарды Кәлетаев ұйымдастырған жоқ» деген болатын. Ал Арман Шораев бизнесмен Марғұлан СЕЙСЕНБАЙДЫҢ ұйымдастырды деген еді.
Оқи отырыңыздар: «Саакашвилимен төңкеріс жасау үшін кездеспедік»
Грузиядағы «Раушан революциясының» лидері «Nur Otan» партиясы төрағасы Нұрсұлтан НАЗАРБАЕВТЫ әлемдік лидерлердің бестігіне кіретін мемлекет қайраткері деген болатын. Биыл Нұрсұлтан ӘБІШҰЛЫНЫҢ 80-жылдығына орай Киевте «Көшбасшы жолы» атты халықаралық конференция өткен.
«Қазақстан астанасында бірнеше рет болдым, тамаша қала. Бұл қала бәрімізге үлгі. Нұрсұлтан Әбішұлы қазақ мемлекетінің ғана емес, Грузияның да іргесін бекітті деп айта аламын. Алғаш рет Грузияға ірі инвестиция тартып, сол арқылы экономикамызды нығайтты. Нұрсұлтан Назарбаевты өзімнің тәлімгерім деп танимын», - деген еді Саакашвили.
Фотолар: facebook.com, gov.kz
MalimBlocks
