Соғысу ләззат сыйлайды - Р. Қадыров Еуропаны түгел қосып алуды армандайды
Шешенстан президенті Рамзан Қадыров Украинадағы соғыс қашан аяқталатыны туралы айтты. Қадыров соғыс Батыс Ресейге салған барлық санкцияларын алып тастаған күні аяқталады деп есептейді. Сондай-ақ Шешенстан президенті Ресей тек Украина емес, НАТО-ны да жеңеді деп уәде берді.
Біз Украинаны ғана емес, НАТО-ны және оның айналасындағыларды жеңеміз. Америка Еуропа елдерін пайдаланып отыр. Ол бізге қарсы санкциялар жариялайды, жанындағы елдер де соған ілеседі. Біз не істеуіміз керек? - деді Қадыров Telegram арнадағы видеорепортаж барысында
Президент сөзінше, санкциялардың бәрі күшін жойған күні “әскери операциялар” да аяқталады.
Менің қолымда болса, өз қадірін білетін барлық Еуропа елдерін қосып алар едім. Сол кезде Американың одақтасы қалмас еді. Соғыс барлық елдер санкцияларын қайтарып алмайынша және кешірім сұрағанша жалғасады. Адамдардың бақыты үшін, жақсылық үшін соғысу ләззат сыйлайды, – деді ол.
Самое читаемое
