Тоқаев: Митинг рұқсат етілген жерде ғана өтуі тиіс

Malim Админ

  • 29.02.2020

Президент Қасым-Жомарт Тоқаев Ақпарат министрлігі жасап шыққан "Бейбіт жиындарды ұйымдастыру мен өткізу туралы" заң жобасына пікір білдірді.

Ақпанның 28-і күні Twitter-де жариялаған жазбасында Тоқаев былай деген: "Бейбіт жиындар туралы заңда жиын өткізу туралы алдын ала ескерту қағидаты болуы тиіс. Қоғамдық тәртіп пен қауіпсіздікті қамтамасыз ету үшін ұйымдастырушылар жиынға қатысатын азаматтардың саны жөнінде билікті хабардар етуге міндетті. Бейбіт жиындар арнайы белгіленген жерлерде өтуі тиіс. Конституцияға қайшы келетін ұрандарға жол берілмейді".

 

Ақпарат және қоғамдық даму министрлігі ұсынған заңды жан-жақты талқылап, оны өзгертуді сұраған белсенділер Тоқаевтың бұл жазбасынан кейін "бейбіт жиын өткізуге еркіндік берілмейді" деді.

"Заң жобасында "бейбіт жиын өтетіні "хабарлаған" соң,  жергілікті биліктің жауабын он жұмыс күн күтесің. Бұрынғыдай митингілерге арналған "резервациялар қалмақ", - дейді құқық қорғаушы, "Ар.Рух.Хақ" қоғамдық ұйымының төрайымы Бақытжан ТӨРЕҒОЖИНА әлеуметтік желісіндегі жазбасында.

7 ақпан күні "Ашық үкімет" порталында жарияланған заң жобасын талқылаған белсенділер митингілер туралы заң осы күйінде қабылдаса, бейбіт жиындар өткізу құқығы бұрынғыдан бетер нашарлайтынын айтқан. Атап айтқанда, құқық қорғаушы Евгений Жовтис бейбіт жиындар билік рұқсат еткен жерде ғана өткізуге рұқсат ететін баппен келіспейтінін мәлімдеген. Алматыда билік митинг өткізуді Сарыарқа кинотеатры артындағы алаңқай мен Махатма Ганди атындағы паркте ғана рұқсат етеді. Құқық қорғаушының ойынша, жұрт митингілер мен пикеттерді қалаған жерде өткізе алуы тиіс. Заң жобасында бейбіт жиынға 250 адамға дейін қатысатын болса, онда мұндай митингілер хабарлама сипатында болады, бірақ ұйымдастырушылар бүкіл құжаттарды бәрібір жергілікті әкімдікке он жұмыс күні бұрын жіберуі тиіс делінген. Бұл халық аяқ астынан митингіге бәрібір жинала алмайды деген сөз. Оның үстіне митингіге қатысушылар 250 адамнан асса, ұйымдастырушылар жергілікті биліктен бұрынғыдай рұқсат сұрауы керек. Тоқаев жазбасында айтылған "ұйымдастырушылар жиынға қатысатын азаматтар саны жөнінде билікті хабарлар етуі міндетті" дегенмен де белсенділер келіспейді. Өйткені заң жобасында  іс жүзінде бейбіт жиынға келген адамдар ұйымдастырушылар өтініште көрсеткен қатысушылар санынан асып кетсе, бұл бейбіт жиынды тотатуға негіз бола алатыны айтылған. Құқық қорғаушыар мен белсенділер митингіге келушілерді кімдер және қалай санайтынын биліктің өзі білмейді деген.

Фото: Аян Қалмұрат, Azattyq.org

Оқи отырыңыз: Абаев митингіге шыққандарды кім санайтынын білмейді

Байланысты жаналықтар

Қостанайда Қазақстан мен Ресейдің XIX өңіраралық ынтымақтастық форумы басталды

09.11.2023

Түркі мемлекеттерінің ұйымы бірқатар мәселеге басымдық бермек

03.11.2023

Е.Досаевтың Қ.Тоқаевқа айтқан қауіпсіз жерлерін алматылықтар білмейді

13.10.2023

Назарбаевты мақтағандар енді Тоқаевты мадақтауда

20.07.2023

Әкімдер Украинаны қолдайтын митингілерден неге қорқады?

17.07.2023

Ғ.Жақиянов: Билік біздің орнымызға ештеңе шешпеуі керек

12.07.2023
MalimBlocks
Қостанайда Қазақстан мен Ресейдің XIX өңіраралық ынтымақтастық форумы басталды

Бүгін Қостанайда «Ауыл шаруашылығы – мықты экономиканың негізі» тақырыбында Қазақстан мен Ресейдің XIX өңіраралық ынтымақтастық форумы басталды.

Түркі мемлекеттерінің ұйымы бірқатар мәселеге басымдық бермек

«Түркі әлемі» атты жаңа брендті дәріптеуіміз керек

Е.Досаевтың Қ.Тоқаевқа айтқан қауіпсіз жерлерін алматылықтар білмейді

Алматы қаласының әкімі Ерболат Досаев президент Қасым-Жомарт Тоқаевтың қабылдауында болып, жұмысына есеп берді. Атқарылған жұмыстардың ішінде ол  «Алматыда төтенше жағдай кезінде көпшілік жиналатын 545 қауіпсіз орын бар» деп мәлімдепті. 

Назарбаевты мақтағандар енді Тоқаевты мадақтауда

Шығыс Қазақстан облысы Тоқаевты мадақтайтын бейнероликке 5,2 миллион теңге жұмсаған.

Әкімдер Украинаны қолдайтын митингілерден неге қорқады?

Астана мен Алматы әкімдіктері белсенділерге Украинаны қолдайтын митингілер өткізуге тағы да тыйым салды,- деп хабарлайды #NotExtremists telegram арнасында.

Ғ.Жақиянов: Билік біздің орнымызға ештеңе шешпеуі керек

Путиннен кейін орыс «көке» болмайды