Украина Президентінің ресми сайтында тиісті жарлық жарияланды. Жарлықта «Петр Юриевич Врублевский Украинаның Қазақстан Республикасындағы Төтенше және Өкілетті Елшісі қызметінен босатылсын» деп жазылған.
Еске сала кетейік, елшінің блогермен сұхбаты шыққан соң ол Қазақстанның Сыртқы істер министрлігіне шақырылған еді.
Сыртқы істер министрінің орынбасары Ермұхамбет Қоныспаев Петр Врублевскиймен кездесті.
СІМ баспасөз қызметі «Кездесу барысында Елшіге биылғы 21 тамызда қазақстандық блогер Диас Құзайырға берген сұхбатында айтқан мәлімдемелеріне байланысты наразылық білдірілді. Қазақстан тарапы мұндай мәлімдемелердің шет мемлекет елшісінің қызметіне сай келмейтіндігі және қолайсыздығы туралы ұстанымын білдірді. Мұндай іс-қимылдар мемлекеттер арасындағы достық қатынастарға нұқсан келтірмеуге тиіс», - деген мәлімет таратты.
СІМ ресми өкілі Айбек Смадияровтың айтуынша, қазіргі уақытта Украина Сыртқы істер министрлігінен Астанадағы жаңа елшіні тағайындау туралы өтініш түсті.
MalimBlocks
Бәрі сотталады: шетелдегі соғыстарға қанша қазақстандық қатысқан?
1 сәуірде желіде Украинаға қарсы соғысқа қатысқан 660-тан аса қазақстандықтың аты-жөні бар тізім пайда болды. ҚР ІІМ бұл ақпарат расталмағанын айтып, тексеруді талап ететінін мәлімдеді. Tengrinews.kz редакциясы бұл мәселе бойынша ашық деректерді зерттеген
